GALBI TOWN

營業中

休息中

今日就過咗嚟試吓。地方都唔難搵，電梯上一層就已經見到。成個地方好闊落，聽講有幾千呎，而且設計簡潔。前菜方面好豐富，除咗由平時食到嘅泡菜，呢度仲有蓮藕，同埋估佢唔到嘅辣蟹！有冇諗過喺香港食前菜食到蟹？呢度係自助落單，之後就會店員或者係送餐機械人送到過嚟。$320 特選牛肋骨肉Wang Galbi呢個份量都好多，肉質比較軟身，仲會連埋一舊骨上。已經本身醃好咗，所以食到好豐富嘅口感。$380 韓牛頸肉Hanwoo Chuck Flap Tail男朋友鍾意食呢個，佢覺得呢一個比較有口感，冇咁軟，大推。$270 醬油蟹 GanjangGe jang呢個係暫時喺香港食到最好食嘅醬油蟹。同平時食到嘅醬油蟹唔同，佢帶有一種甜味，但同醬油配埋一齊又係超夾。超多膏超多蟹肉，配埋飯真係一流。$118 嫩豆腐湯Sundubu Jiigae呢個又係好出色，冇諗過豆腐湯都可以咁好飲。配料非常充足，豆腐好嫩滑，味道好惹味，同平時食到嘅唔一樣。呢個湯本身配咗一碗飯，就可以攞嚟食醬油蟹。呢度每一樣嘢都好出色，價錢又唔貴，呢個價錢食到咁多嘢，真心覺得好抵，仲要超好食☺️👍🏻。