影片
更多
2016-12-12
830 瀏覽
如果有負分，我想俾負分，暫時食過最難食嘅韓食由於上星期去完韓國旅行番黎，偶爾都仲會掛住韓食嘅味道，所以琴晚趁住要去尖沙咀就揀間韓國野食。呢條街隔住隔住有3間比較平價嘅韓國料理，因為去完韓國覺得韓食本來就係啲平價材料，大概呢幾間餐廳嘅價位先合理點。週日6點鐘左右，前面兩間基本上係滿座狀態，行到呢間，只有兩枱客食緊。個腦果個moment淨係諗：是但啦，呢間唔洗等位，反正想食嘅菜式都係基本野，應該唔會差得去邊。(結果當然係難食到痴左線)一坐低都例牌遞上幾碟小菜，我又諗：咦都大方喎，兩位都有5款小菜~第一樣當然係試下啲泡菜，一食完已經心知不奶妙，唔通要中伏了？泡菜得個酸字，好少好少辣，完全唔正宗。本來仲打算如果好食嘅話會點黎食，因為見餐牌中寫一份泡菜要$30，好在冇點！其餘幾碟唔難食。揭左一揭餐牌，基本上我已經諗好食乜，因為去韓國果幾日都食左幾次，所以好想再食。海鮮豆腐湯 $65一上枱，見到個顏色已經心諗，咦，淺色左少少喎，擔心緊會唔會唔夠辣。食落去，亦都證實左諗法是對的，唔單止唔夠辣，直頭完全唔係海鮮豆腐湯果回事！要問我咩味，我只可以話係怪，又唔夠辣，但又有啲鹹，不知所謂。如果真係韓國人開嘅
由於上星期去完韓國旅行番黎，偶爾都仲會掛住韓食嘅味道，所以琴晚趁住要去尖沙咀就揀間韓國野食。
呢條街隔住隔住有3間比較平價嘅韓國料理，因為去完韓國覺得韓食本來就係啲平價材料，大概呢幾間餐廳嘅價位先合理點。
週日6點鐘左右，前面兩間基本上係滿座狀態，行到呢間，只有兩枱客食緊。
個腦果個moment淨係諗：是但啦，呢間唔洗等位，反正想食嘅菜式都係基本野，應該唔會差得去邊。(結果當然係難食到痴左線)一坐低都例牌遞上幾碟小菜，我又諗：咦都大方喎，兩位都有5款小菜~
第一樣當然係試下啲泡菜，一食完已經心知不奶妙，唔通要中伏了？泡菜得個酸字，好少好少辣，完全唔正宗。本來仲打算如果好食嘅話會點黎食，因為見餐牌中寫一份泡菜要$30，好在冇點！
其餘幾碟唔難食。
小菜
17 瀏覽
0 讚好
0 留言
海鮮豆腐湯 $65
一上枱，見到個顏色已經心諗，咦，淺色左少少喎，擔心緊會唔會唔夠辣。
食落去，亦都證實左諗法是對的，唔單止唔夠辣，直頭完全唔係海鮮豆腐湯果回事！要問我咩味，我只可以話係怪，又唔夠辣，但又有啲鹹，不知所謂。如果真係韓國人開嘅餐廳，我想問下老闆：你係咪太耐冇番韓國，忘記左海鮮豆腐湯係乜味？
如果有睇我之前【漢城美食】嘅食評，果間野已經算唔掂，但人地個豆腐湯起碼接近番韓國快餐嘅水平。
如果連咁基本嘅辣度都調較唔好，點期望你其他野好食？
朗豪坊food court果間咁嘅韓國快餐嘅豆腐湯都好食過佢！
唯一可取：呢度嘅豆腐的確係幾滑，可惜個湯煮成咁，浪費！
海鮮豆腐湯
$65
22 瀏覽
0 讚好
0 留言
先俾張餐牌圖片睇下：
辣牛肉湯
$72
310 瀏覽
0 讚好
0 留言
本本男朋友都係想點個普通辣炒豬肉飯，後來見到幅圖，又諗起喺韓國都食過幾好食嘅辣牛肉湯，所以轉點呢款。出哂事
辣牛肉湯
$72
38 瀏覽
0 讚好
0 留言
先唔好講，韓國嘅湯點解一般都用圖中嘅器皿，都係有原因，點解變左用個咁嘅碗裝？（我嘅豆腐湯又唔係轉呢種碗）
第一，呢碗野上枱只可以叫暖，完全唔係熱辣辣
第二，辣牛肉湯！你可以話我個海鮮湯冇寫住辣，唔應該話佢個湯唔夠辣；但呢個寫到明辣牛肉湯，點解都係完全唔辣呢？
第三，啲牛肉先攞命，我絕對係影左最靚果幾舊。基本上啲牛肉係煮到完全冇哂味，乾柴，鞋口，老過我媽媽！
吉野家邊爐啲紙皮牛肉都好食過佢！
辣牛肉湯
$72
41 瀏覽
0 讚好
0 留言
所以有句說話要講：
假期食飯時間，隔離幾間都要等位，就算人地唔係好好食，見到排唔隊都明白，都至少唔會難食到咁！
仲有，請問提供左啲服務俾我，大膽收人加一？仲要將加一四捨五入？$137+10% 變左$151？
臨尾收錢仲要粗聲粗氣問：「有冇1蚊」
大佬老奉架？
百五蚊我相信任何一間都好食過呢度！
以我平時性格，絕對唔係多事嘅類型，不過琴晚埋完單，去到門口，見到有對情侶，我真係諗到冇諗同佢地講：好難食架呢度
張貼
