SuperNormal (淘大商場2期)

營業中

休息中

今日黎到牛頭角行街搵食，係淘大附近有間餐廳，裝修都幾優雅，平日都好多人，好在唔使等位好快就入左去坐。首先我地點左個小食日本芝士年糕。呢個芝士味好香濃。皮薄餡靚，鐘意食日本芝士既味道朋友仔一定會喜愛☺️。跟住叫左個呢道既特色名菜就係泰式脆皮豬手，呢道每日都係賣得20隻，真係要好好品嘗。皮脆肉汁鮮嫩。點咪泰式醬食真係非常之野味。個皮好香脆可口，非常有口感。而且幫你去咪骨，食起好方便。之後再叫個三重奏芝士牛肉漢堡，份量十分之多，大大一個漢堡，而且安格斯牛肉非常大塊，配合咪煙肉，蕃茄，沙律醬一齊食令味道更加提升，滿滿既滿足。最後再點多個煙三文魚蟹籽魚忌廉意粉，煙三文魚係我最愛😍，非常好味。蟹籽魚忌廉意粉非常有口感，一粒粒蟹籽魚令口感更加提升。真係好好味。又好creamy。世界級享受。