影片
更多
2021-03-26
1207 瀏覽
同老公扭計話好想食法國菜,所以老公二話不說就BOOK左呢間同我慶祝白色情人節, 老公提過Joël Robuchon係全世界米芝蓮星級總數最多既主廚，又曾教導出不少名廚，其中最有名既弟子就係Gordon Ramsay, 我未出發就已經好期待呢一餐! 餐廳裝潢利用紅黑做主調, 同我想像中傳統法式餐廳既佈置好唔同, 而係走一種時尚簡潔既STYLE 卻不失氣派~ 侍應帶位一入去最先會見到一啲少量對住平台景既dining table 位， 之後主要空間都係BAR 枱位置, 而BAR枱區中間係一個開放式廚房, 食客就可以近距離欣賞烹調過程, 將隆重的法國菜和極講席前體驗的日本料理合而為一~今次老公BOOK左BAR枱位置, 我地一坐低就有一大籃既bread basket 出現係面前, 驟眼望落去,起碼都有5-6款面包, 份量同款式數量都好impressive~我心諗一定係擺左好耐啦, 點知一摸上手仲係熱既!!!!! 仲要好軟熟!!!! 每一款包都有各自既特色同風味, 味道都唔錯, 單單餐前面包既誠意都好加分啦~本身老公想叫個龍蝦意粉俾我試, 成日食米芝蓮而味覺疲勞既佢試過都話幾唔錯~但我想叫個”M
餐廳裝潢利用紅黑做主調, 同我想像中傳統法式餐廳既佈置好唔同, 而係走一種時尚簡潔既STYLE 卻不失氣派~ 侍應帶位一入去最先會見到一啲少量對住平台景既dining table 位， 之後主要空間都係BAR 枱位置, 而BAR枱區中間係一個開放式廚房, 食客就可以近距離欣賞烹調過程, 將隆重的法國菜和極講席前體驗的日本料理合而為一~
今次老公BOOK左BAR枱位置, 我地一坐低就有一大籃既bread basket 出現係面前, 驟眼望落去,起碼都有5-6款面包, 份量同款式數量都好impressive~我心諗一定係擺左好耐啦, 點知一摸上手仲係熱既!!!!! 仲要好軟熟!!!! 每一款包都有各自既特色同風味, 味道都唔錯, 單單餐前面包既誠意都好加分啦~
本身老公想叫個龍蝦意粉俾我試, 成日食米芝蓮而味覺疲勞既佢試過都話幾唔錯~但我想叫個”Menu Signature” (HKD$2180 pp) 試下啲經典招牌菜先, 所以打算下次中午再黎試個意粉~
1.Welcome Appetizer
我俾佢強烈既咸鮮風味嚇親, 三點綠色既芥末,帶住白蘆筍既清新,三文魚子既甘香,同埋面豉既咸香, 直衝上我既腦門, 最後係我鼻腔迴盪!呢種體驗的而且確係幾過癮! 但我就覺得有啲過咸,搞到要飲好多水去沖走啲味,怕會影響我品嘗下一道菜~不過賣相而言,港女既我覺得打卡一流啦HAHA~
2.Le Caviar Imperial
承接上一道甘香咸鮮既開胃, 呢一道名菜我相信好多人都唔陌生,一挖落去,見到中間夾著龍蝦啫喱，最底層係鮮甜既皇帝蟹肉, 一口食出3種口感，3種鮮味! 配埋籃入面既面包食都非常過癮呀~
3.La Truffle Noire
呢道菜我係最鍾意!最底層係一塊煎到兩面都金黃脆口既米餅，加入薄薄幾片咸香既芝士，黑松露同米餅之間收埋左一隻好的色既溫泉蛋，所有野一次放入口，融入口腔,成件事都幾邪惡~
4.Le Homard
用菠菜包住鮮甜彈牙既龍蝦肉，同埋煎過既龍蝦鉗，龍蝦肉質同鮮味無懈可撃, 但我就麻麻地喜歡伴碟既紅酒汁啦~
5.Le Saint Pierre
放低碟,青咖喱同椰子味撲鼻而來，魚肉承接番上一道龍蝦, 都係比較實淨~
6.La Caille
我唔食牛所以揀左鵪鶉，咸甜咸甜既外皮煎得非常脆, 加上中間釀左我最愛既鵝肝, 但係鵝肝既香氣就稍為遜色左少少啦。伴碟既薯蓉，4個字香滑濃郁! 停唔到口呀~~~
7.La Poire & La Chocolat
同老公share 甜品, 一啖香濃既朱古力mousse cake, 一啖清爽既啤梨mousse, 好好食~ 啤梨mousse 仲要用乾冰底上, 又係一道值得打卡既仙氣甜品~ HAHA~
Perfect Ending~ 佢個Madeleine cake外脆內軟, 唔會死甜!
張貼
