三家村水產 (已結業)

食日本海鮮，要食新鮮，又有特色， 一定諗起而家嘅黃埔， 佢嘅水產市場， 都真係幾多元化， 今次經朋友介紹， 冇諗過九龍東，原來都有類似嘅食店。食店位於地鐵站油塘附近， 由地鐵站步行過去， 大約需要十分鐘， 時間話長唔長話短唔短， 到達最後發現， 原來仲可以坐船過來， 就由鰂魚涌出發。晚餐點了店員強力推薦的，活魚一夜干， 好有香港特色， 但係又不失日本嘅食法， 其實就係乾馬友拎去燒黎食， 外表好脆，魚味十足，最重要經過烹調， 都仲充滿鮮味。蟹肉伴蟹子沙律， 蟹肉新鮮， 完全冇腥味， 配合埋蟹子，口感更加出色， 最後值得推薦嘅，係因為沙律菜洗得夠乾淨。燒生蠔， 原隻喺面前可以自己燒， 都已經夠曬驚喜， 之後開出來冇諗過蠔肉咁大隻。最後，三家村海鮮粥， 用料十足， 粥底鮮甜，最重要真材實料， 夠曬二個人或以上食。如果再要食新鮮日本嘢，我又多一個新選擇。