皇苑 (已結業)

一家大細去左筲箕灣東大街皇苑食中菜，食過之後簡直讚不絕口！又抵食份量又足料！下次朋友們問我去邊食中菜好呀！？皇苑會係不二之選食中菜點少得飲酒啤啤佢呀！！大枝嘉士百都係$20蚊，真係飲多2次都唔肉赤！我地叫左份孖寶至尊 沙巴仔配蒜香bb鴿2隻都係$168..沙巴仔絕對唔細條，廚房師父蒸到條魚fit到漏油又滑又嫩一d都唔腥！！另外掌握時間非常了得如果過左火喉就浪費左條靚魚！蒜香bb鴿~表層燒到香脆~雖然只係bb鴿size較細隻！但反而更津津有味肉質juicy香口識食一定食埋鴿頭~超好味 豉汁蒸鱔~份量大大碟都係$138..整鱔功夫又多！所以出街食就最正！個鱔無泥味無腥味，肉質唔鞋口，個豉汁調得幾正！唔會過濃蓋哂d鱔既鮮味！最後仲每人送左碗紅豆沙，心意之作唔會太甜幾好食！清清口腔，感覺一流發現原來平日9:00後有宵夜時段仲抵食！已經諗緊下次要食d咩啦。。哈哈！一於下次就食龍蝦~勁生猛