泰一 (已結業)

今日好想食泰國嘢！但係人喺筲箕灣又唔想坐車出銅鑼灣點知諗住去東大街打個轉求其食啲嘢就算~點知我又搵到間新開嘅泰國菜！我最鍾意食嘅海鮮炒金邊粉，賣相唔只整得靚入面啲海鮮份量都好多有蝦有帶子！呢個煮得勁好食呢個泰式炒金邊粉麵上枱都整到好靚睇到廚師係用心煮菜~炒到剛剛好咬落有啲彈性,味道酸酸地好開胃呢個牛油雞翼我超鍾意食，厚厚嘅香脆牛油皮非常鬆脆加埋炒香咗嘅蒜蓉包住嫩滑嘅雞翼~呢個明爐大蜆，份量勁大加埋酸酸嘅湯底唔覺唔覺又將佢ko咗最後就叫埋個大蝦冬陰公！隻蝦差唔又有手掌咁長味道唔會過酸辣味十足！好味到忍唔住問老細個廚師係咪泰國人,原來堅用泰國廚師~因為個冬陰功太辣嘅關係就試咗個波蘿沙冰！飲落去感覺真係用咗新鮮波蘿做咁完全冇用糖水唔會太甜.最後就緊係要食甜品啦！好似大菜榚好爽口最緊要係唔會太甜！（我真係好驚食到啲甜到暈嘅嘢)加埋淡淡嘅椰香味！呢間嘢十分有誠意下次我會再試埋佢啲串燒