影片
更多
2017-02-27
463 瀏覽
來筲箕灣《U購select》為家中的小伙子搜購零食，其實每次完成任務後，都會留在東大街覓食。上次吃了《民聲冰室》的鹹蛋蒸肉餅，所以今次就決定揀過另一間食肆。選了這間門外貼滿小菜相片的《皇苑》，沿著樓梯拾級而上，店內地方不大，用餐區以圓檯為主，細看布置，雖然只是一派中式酒樓格局，但地方尚算寬敞，加上裝潢新淨企理，座位亦不覺逼狹。往另一邊轉，發現原來酒家設有一間特大廂房，如果想宴客的話，包咗間房擺番兩、三圍，應該無問題，就算嘈吵一點也不怕影響到其他食客。選了個牆角位置，安坐後先翻開餐簿細閱，菜式分門別類，有皇苑八大名菜、燉湯、魚翅、海鮮、豬肉、牛肉、雞肉、煲仔菜、健康小菜、田園蔬菜及飲品等。至於散張嘅餐牌方面，選擇就包括有孖寶至尊、秋冬精選、皇牌推介、足料燉湯、拿手小菜、清蒸海上鮮、新鮮蔬菜、新口味推介等等，實在多不勝數，未能盡錄。侍應姐姐推介「孖寶至尊」，其實我亦早有此意，皆因清蒸一份沙巴仔都要 $108，現在一個價錢，就已經包兩款小菜，雖然未至於抵到笑，但細心一計，即會發現價錢較散點菜式更加划算，一於揀份孖寶再加幾款招牌小菜試試。沙巴仔配蒜香BB鴿2隻 ($168) 率先上桌，雖然叫做
來筲箕灣《U購select》為家中的小伙子搜購零食，其實每次完成任務後，都會留在東大街覓食。上次吃了《民聲冰室》的鹹蛋蒸肉餅，所以今次就決定揀過另一間食肆。選了這間門外貼滿小菜相片的《皇苑》，沿著樓梯拾級而上，店內地方不大，用餐區以圓檯為主，細看布置，雖然只是一派中式酒樓格局，但地方尚算寬敞，加上裝潢新淨企理，座位亦不覺逼狹。往另一邊轉，發現原來酒家設有一間特大廂房，如果想宴客的話，包咗間房擺番兩、三圍，應該無問題，就算嘈吵一點也不怕影響到其他食客。
選了個牆角位置，安坐後先翻開餐簿細閱，菜式分門別類，有皇苑八大名菜、燉湯、魚翅、海鮮、豬肉、牛肉、雞肉、煲仔菜、健康小菜、田園蔬菜及飲品等。至於散張嘅餐牌方面，選擇就包括有孖寶至尊、秋冬精選、皇牌推介、足料燉湯、拿手小菜、清蒸海上鮮、新鮮蔬菜、新口味推介等等，實在多不勝數，未能盡錄。
侍應姐姐推介「孖寶至尊」，其實我亦早有此意，皆因清蒸一份沙巴仔都要 $108，現在一個價錢，就已經包兩款小菜，雖然未至於抵到笑，但細心一計，即會發現價錢較散點菜式更加划算，一於揀份孖寶再加幾款招牌小菜試試。
沙巴仔配蒜香BB鴿2隻 ($168) 率先上桌，雖然叫做沙巴仔，但都唔算細條，絕對足夠兩人享用。先挾起魚肉一試，火候掌握得宜，魚肉入口柔嫩鮮美，魚味不俗，而且肉質富彈性，只是稍嫌魚皮咬落膠質感不高。早兩天同事見完營養師後，獲告知魚類所含的飽和脂肪雖然極低，但魚頭的膽固醇含量則頗高，皆因魚頭包括魚唇、魚腮和魚腦等，這些部分都是膽固醇的「集中地」，只宜淺嘗！
至於2隻BB鴿，Size 雖然是有點瘦弱嬌小，而且肉汁不多，但外皮入口金黃乾爽，加上入面嘅鴿肉，食落酥香，夠嫩滑，就算一人一隻亦不覺膩。
接著的懷舊拔絲骨 ($98)，一上檯就已經即時傳來陣陣濃烈的醋香，細心一看，原來大廚先用青紅椒及洋蔥墊底，並以蜜桃圍邊，再於拔絲骨面頭灑上芝麻，睇得出下過一番功夫，擺碟夠曬精美。馬上挾起一件試試，不但可以拉出糖絲，而且酸甜平衡得剛好，吃起來沒半點嗆喉，糖醋汁味道適中，外層香口微脆，內裡啖啖嫩肉，稍微放涼後依然脆口帶肉汁，非常美味，但緊記不可凍食，因為糖漿遇冷後會變硬。
筆者愛吃炸物，選了客椒鹽鮮魷 ($78)，椒鹽鮮魷雖然是最尋常不過的小菜，但要做得好，其實相當困難，每次點吃，不是粉漿太厚，就是椒鹽味不足。幸好這道鮮魷水準唔錯，咬落彈性十足，帶脆口，不太腍亦不太韌，而且粉漿極佳，只是薄薄的一層，入口金黃鬆化又不死實，香脆好吃！
吃過幾道濃味食物，最後決定簡簡單單，點客蒜茸芥蘭 ($60) 來平衡一吓，芥蘭份量不少，非常新鮮，外表碧綠，而且色澤油亮，入口爽脆，清甜而不苦澀。
吃過飯後，原來還有甜品贈送，而這晚的糖水是南瓜西米露，筆者對南瓜雖然興趣不大，但呷一口，糖水嘅質感頗軟滑，而且西米亦沒煮得過腍，入口清甜滋潤，唔錯，為圓滿的晚飯作結。
張貼
