CoCo Cafe

營業中

休息中

今日去開大嶼山嗰邊行山 咁啱搵到呢一間可以泊車嘅茶餐廳 絕對係喜出望外嘅感覺 呢個位有啲偏僻 唔係咁容易搵到 距離地鐵站嘅路程亦都相對比較遠因為方便朋友食煙 我哋坐到出去露天嘅位置 餐牌上都有好多唔同嘅選擇 我就揀咗雞扒意粉 如果配白飯就唔使加錢 意粉或者薯菜就需要加兩蚊 嘢飲我就揀咗普通嘅熱奶茶本身都係諗住快食 冇乜期望 點知食落性價比真係幾高 $48+2 我以為只有快餐嘅味道 冇諗過食落 味道唔錯 佢仲會送埋一個湯 咁啱我今日係蘑菇湯 $50 一個餐仲有湯飲 難怪成間茶餐廳都爆滿 見到有好多藍領嘅人黎食