The Upper Deck (裝修中)

難得約到好耐冇見嘅老朋友聚舊，加上新正頭，當然要揾個好地方，可以一邊傾吓計一邊食番個靚晚飯。呢個朋友仔家住東涌區，所今次試下呢間位於東涌的「The Upper Dech」。到達餐廳，立即被環境及氣氛吸引。除了有靚裝bar 枱；現場有Live band；仲設有桌球枱；餐廳亦有室外位置，夜間景色尤其醉人。餐廳除有多款特色前菜、沙律；更有 House Made Burger；主菜有豬、牛、羊、魚及海鮮等；亦有意粉及燴飯。其中尤其一提，餐廳不單提供多款不同牛的位置，更有 Dry Age (21-31 days) & Wet Age 選擇，然後再可自選不同 side dish & extra sauce，如果喜愛牛嘅朋友仔，真係不要錯過。《美國牛肉漢堡BLT》（$188）牛肉漢堡厚實香濃富牛肉味，配上煎香了煙肉，加上炸洋蔥圈，車打芝士，再加入新鮮生菜及蕃茄，秘製醬汁。呢個house made burger 我同朋友都超鍾意，真係好好味，超有驚喜！《醬燒豬肋骨》（$298/半份）份量比預期中大，配有薯條及沙律菜，沙律汁很特別，濃濃香草味，十分不錯。而配肉的自家調製醬汁味道令人頗醒胃，整體相當不錯。