牛角次男坊 (東薈城名店倉) (已結業)

今日黎到東涌東薈城名店倉，個肚餓餓地 見到呢間「牛角次男坊」好熱鬧，一於入去試試先「牛角次男坊」位於名店倉7樓，裝修幾靚，座位都好舒服呢間餐廳主力賣燒肉丼飯餐點款式都有好多選擇， 呢間餐廳係先付款落單，然後店員會俾個牌仔，稍後店員就會將餐點拎到你面前。今次我揀咗燒牛舌丼($68)同埋牛角次男坊丼($86)， 餐點加8蚊會有埋味噌湯同飲品。兩款丼飯都好好味，分量好大，d燒肉同牛舌滿滿咁蓋住個丼飯，勁滿足呀！大家路經都可以一試！