On The Hill Coffee Bar (北角匯二期)

營業中

休息中

北角匯真係有好多唔同種類嘅餐廳，Cafe都比一般商場多，所以今日就去咗其中一間Cafe 度high tea，呢間Cafe係地舖，望出去就係個公園嚟，佢既裝修屬於簡約風，門面都係落地玻璃，裏面唔算好大，但位與位之間都唔會好迫，坐得都幾舒服，呢間都係屬於輕食為主，所以我哋都係嗌咗一個輕食一個甜品同埋兩杯咖啡😆😆我哋叫咗個Yogurt bowl，一個cheesecake ，呢個yogurt bowl睇落都知佢健康，佢有好多種唔同健康嘅嘢整出嚟嘅bowl，裏面除咗有乳酪，仲有啲蜂蜜同藍莓，最尾係有穀類片，飽肚之餘又低卡，正👍🏻👍🏻👍🏻之後叫咗個cheesecake，佢同出邊嗰啲有啲唔同，裏面唔係好滑身嗰隻，反而食落嘅感覺有啲似粒粒餅碎，又唔會太膩太甜，仲有啲焦糖味，真係唔錯😋😋最後叫咗兩杯咖啡一杯叫Deluxe Latte,一杯係Flat White，Flat White個味道唔錯，咖啡同奶味都適中，唔會搶左大家既味道，另外想講一下杯Deluxe Latte，杯咖啡賣相好特別，分開咗兩層，原因係啲鮮奶係純奶入面係冇水份，所以就會將佢同咖啡分隔開咗，一飲落口嘅第一啖強烈嘅咖啡酸味湧入我既口入面，