Rome Italian Café (已搬遷) 新店位置

日日在街午餐, 吾係次次有乜經歴可以寫. 但「羅馬」都是我每星期一定幫襯一次嘅食肆. 佢開咗兩年, 食物不斷推出新款式, 所以我才沒有食厭嘅感覺. 每次覺得有好嘅推介, 我就影低佢, 得閑嘅時候就整上嚟同大家分享. 大家出嚟食嘢, 都想食到平靚正之嘛! 羅馬 d 午餐三＋幾至四＋幾蚊, 真係吾貴 lor!其實佢哋初初開業時, 我吾係好鍾意, 覺得老闆娘過份獻殷勤兼 hard sell, 我食午餐三＋幾蚊, 卻三番四次叫我加十幾廿蚊加件 cheese cake, 仲 sell 我火焰雪山和焗雪山. 有一排我吾敢再去, 後尾經過好多次, 見吾到老闆娘, 才敢去咋! 之後, 舖頭由伙計打理, 彬彬有禮, 友善隨和, 令人享受食物之餘, 心情也很自在.好似蝴蝶粉, 吾係好多餐廳有, 一隻一隻咁拮嚟食, 好爽. 佢吾會太多汁, 所以無食到一 pat pat 汁, 吾會食滯.蛋汁煙肉意粉d汁好聞起來香, 食落口好creamy.牛柳條不論伴炒意粉 or 汁燴意粉都好啖啖肉好惹味.睇住佢哋嘅轉變和進步, 我係好支持 lor!