影片
更多
2007-08-25
5 瀏覽
經過兩星期的偽厭食症困擾，體力跌到新低點，壓力則快爆燈。胃卻突然發生訊息話想食甜酸食物，難得有肚餓反應，立刻捉男友一齊晚飯。三年前做暑假工時曾在此長龍大熱店食過午餐，原來三年後已經搬左去駱克道的另一端，鋪位亦大左兩倍有多。終於可以自己叫一個餐，揀左燴豬頸肉菠蘿汁天使麵($48)，男友則揀黑椒牛扒配薯菜($56)。兩個羅宋湯極速出現，唔飲羅宋既我問阿姐，得知原來每日換湯，所以無得揀其他湯。男友唯有一人KO兩碗湯。多士－－開頭以為會有一小片法包，點知有二整片三角型既牛油多，食完都飽左三成。燴豬頸肉菠蘿汁天使麵－－甜甜酸酸，好開胃，好岩我食，天使麵口感唔錯，但如果有加橄欖油應該會更好。黑椒牛扒－－好耐無食肉既我食左少少牛扒，唔un，好好味。薯菜有六七件，阿姐亦非常快手送上一大樽Heinz茄醬。甜品－－記得三年前食過好好味既朱古力蛋糕，但今晚只有Cheesecake, Tiramisu同綠茶蛋糕。我揀左綠茶，男友則揀Cheesecake。綠茶moouse好清新，表面灑上餅脆增加口感。男友的cheesecake芝士味好淡，令人失望。食時發現阿姐們非常殷勤招待旁邊的一位中年先生，後來男友發現佢係餐
三年前做暑假工時曾在此長龍大熱店食過午餐，原來三年後已經搬左去駱克道的另一端，鋪位亦大左兩倍有多。
終於可以自己叫一個餐，揀左燴豬頸肉菠蘿汁天使麵($48)，男友則揀黑椒牛扒配薯菜($56)。
兩個羅宋湯極速出現，唔飲羅宋既我問阿姐，得知原來每日換湯，所以無得揀其他湯。男友唯有一人KO兩碗湯。
多士－－開頭以為會有一小片法包，點知有二整片三角型既牛油多，食完都飽左三成。
燴豬頸肉菠蘿汁天使麵－－甜甜酸酸，好開胃，好岩我食，天使麵口感唔錯，但如果有加橄欖油應該會更好。
黑椒牛扒－－好耐無食肉既我食左少少牛扒，唔un，好好味。薯菜有六七件，阿姐亦非常快手送上一大樽Heinz茄醬。
甜品－－記得三年前食過好好味既朱古力蛋糕，但今晚只有Cheesecake, Tiramisu同綠茶蛋糕。我揀左綠茶，男友則揀Cheesecake。綠茶moouse好清新，表面灑上餅脆增加口感。男友的cheesecake芝士味好淡，令人失望。
食時發現阿姐們非常殷勤招待旁邊的一位中年先生，後來男友發現佢係餐廳的shareholder！難怪唔使埋單就走。
希望胃症快ｄ好，可以食多ｄ美食。
張貼