蠔站 (將軍澳中心) (已結業)

本來book咗台9位，同事食lunch。到步後要求我地分開坐，擾攘一輪先肯泊埋兩張四人台，聲稱係唔想我地用曬啲細台... 期間店員態度奇差，入座後連餐牌都唔俾，中間又對我地作出奇怪指令，例如如何擺放餐具之類，語氣猶如教官。落單後，發覺其中一個餐係得3個供應（我地order咗6個）， 據稱當時啱啱開午市... 餐到後，發現每碗白飯得半碗，經查詢後證實原來唔夠白飯，正煲緊飯。食物當中，等咗好耐嘅燒雞，只有外皮有孜然粉灼燒嘅味道，雞肉本身淡而無味，最多只有雪藏味，懷疑係白烚完燒乾啲皮就上菜，極度業餘求其，貨不對版。 餐飲點咗6杯熱咖啡，全部都室溫狀態，懷疑落咗凍奶，又或者用未滾嘅水沖，經查詢後，店員回應是否需要微波爐加熱，令眾人都啞口無言。我地同事全部都斯斯文文，無提出過任何無理要求，但卻遭受奇怪嘅服務態度。我地亦唔明白打開門做生意，好似要同客過唔去係咩心態。勸喻想選擇呢間餐廳嘅朋友要小心。