影片
更多
2008-12-02
8 瀏覽
忙左成日後師傅同埋一班好友一齊食飯, 而地點就揀左呢度; 訂左枱去到依然要等位, 好唔容易先有枱, 加上大家都餓到半死, 所以未坐底已經柯打定野食喇!食野最緊要有食神喺度, 而師傅今次正正同食神一齊開餐, 所以整定師傅有口福; 一行九人, 分別要左兩個湯底, 一個係呢度最出名嘅蕃茄薯仔豬骨煲, 另一個就係醉雞煲; 食物真係樣樣都劃下, 上至鮑魚, 下至豬紅, 一樣係有殺錯冇放過! 咁多種食物, 師傅對以下幾種特別鍾愛, 手切肥牛一定走唔甩, 仲有羊肉, 鮑魚, 花甲, 魚皮餃, 龍蝦丸同日式芋頭片!先講下個湯底, 豬骨大大舊, 勁腍勁好味, 而蕃茄同薯仔就好清甜, 正呀; 而醉雞煲又真係好足料, 真係將隻雞攞出黎自己放落個煲度, 加上花雕都幾重手, 絕對係香辣醉呀; 肥牛好大碟, 切得薄薄, 拖一拖就食得, 肥牛有牛肉味, 加上好鬆身, 勁正; 羊肉亦係一絕, 肉身酥香, 又係薄薄的, 拖一拖就食得, 勁鮮勁好味; 鮑魚就切片上, 肉質爽口唔會過韌, 加上味道鮮甜, 用黎打邊爐師傅都係第一次, 呢下真係全靠食神好介紹!花甲又係好新鮮, 不過肉身較韌, 算係有o趙頭, 可以啦; 魚皮餃係
食野最緊要有食神喺度, 而師傅今次正正同食神一齊開餐, 所以整定師傅有口福; 一行九人, 分別要左兩個湯底, 一個係呢度最出名嘅蕃茄薯仔豬骨煲, 另一個就係醉雞煲; 食物真係樣樣都劃下, 上至鮑魚, 下至豬紅, 一樣係有殺錯冇放過! 咁多種食物, 師傅對以下幾種特別鍾愛, 手切肥牛一定走唔甩, 仲有羊肉, 鮑魚, 花甲, 魚皮餃, 龍蝦丸同日式芋頭片!
先講下個湯底, 豬骨大大舊, 勁腍勁好味, 而蕃茄同薯仔就好清甜, 正呀; 而醉雞煲又真係好足料, 真係將隻雞攞出黎自己放落個煲度, 加上花雕都幾重手, 絕對係香辣醉呀; 肥牛好大碟, 切得薄薄, 拖一拖就食得, 肥牛有牛肉味, 加上好鬆身, 勁正; 羊肉亦係一絕, 肉身酥香, 又係薄薄的, 拖一拖就食得, 勁鮮勁好味; 鮑魚就切片上, 肉質爽口唔會過韌, 加上味道鮮甜, 用黎打邊爐師傅都係第一次, 呢下真係全靠食神好介紹!
花甲又係好新鮮, 不過肉身較韌, 算係有o趙頭, 可以啦; 魚皮餃係打邊爐不可或缺嘅一門, 上次師傅唔記得叫, 今次點都食番夠本, 魚皮餃咬落唔, 唔會太韌亦唔算多碎骨, 係賣相唔算靚, 不過放入醉雞煲度滾, 感覺勁正, 皆因成隻魚皮餃由內到外都係醉雞湯, 入口醒晨, 冇得頂呀; 龍蝦丸而係大大粒, 爽口彈牙兼味道香甜, 又係打邊爐唔少得嘅; 仲有上次試過嘅日式芋頭片, 今次再食依然好味, 正呀; 其他食物都不過不失呀!
總括黎講食物質素絕對掂呀, 環境都幾迫, 背脊對背脊, 而服務都係屬於一般, 今次價錢仲抵食, 埋單每人都係百七, 喪叫喪食, 絕對抵食; 餓左成日, 終於食番一餐勁飽嘅晚餐, 所以勁滿足; 加上呢一餐好彩有食神在場, 如果唔係師傅都未必柯打鮑魚黎打邊爐呀, 食神 - 你係得嘅! 笑臉一定走唔甩, 呢一刻師傅已經諗緊幾時再黎喇!
張貼