misocool (已結業)

近來心情唔好，所以屋企煮左飯都唔想返去食.想出去散下心......去到鑽石山個商場, 都唔知食邊間.老公見到依間話未食過, 咁我話試依間啦~(其實我之前食過, 不過好耐之前)老公揀左個石頭鍋牛肉飯, 黎到個蒜蓉汁另上.牛肉仲係生生地, 要立即撈!牛肉撈幾撈都好快熟, 加上蒜蓉汁好夾,好惹味!D飯雖然SELL係石頭鍋, 但出唔到個陣焦味!而且份量太少......我點左個豚肉湯烏冬, 個湯幾香的, 但咸左D.D烏冬要浸耐少少先可以吸收到個湯既味, 如果唔係又無味.豬肉都唔錯, 唔硬又吸收左湯既味道.D娃娃菜因為吸收左湯既味道,所以仲好味~