綠林甜品 (已結業)

同朋友係銅鑼灣食完飯行完街諗住去搵甜品食，經過鵝頸橋時有人派左張八折優惠券比我，見佢有折，我又未試過衣間，就走左去試，我地叫左烏豆桑寄生蓮子蛋茶同燉鮮奶，估唔到又幾好味啵。我試左個朋友個燉鮮奶，好滑好濃奶味，正。(唔記得價錢)我就食烏豆桑寄生蓮子蛋茶($37)，一來桑寄生對女人好，二來平時出面糖水舖都唔落烏豆架，衣間特登加埋烏豆落去，希望食完佢連白頭髮都少啲啦🤣。食落唔會好甜，我覺得桑寄生都幾濃，我果碗啲蓮子同烏豆都好多，好足料 ! 食完好滿足，由於太好味，我同個朋友都各自叫多個外賣烏桑寄生蓮子蛋茶同腰果露少甜返去比屋企人食添。