滿屋日本料理 (已結業)

早幾日突然好想食放題，就去咗食呢間試試。基本上都係一般放題嗰啲野，無乜特別，價錢就二百幾近三百，都係正正常常啦。但!!咁多樣野食之中，有一樣真係不可一不可再，就係呢個牛油果夾元貝，兩樣野個味都唔夾，再加埋塊紫菜喺底，簡直係去咗另一個不能理解嘅世界都唔知個邊個諗出嚟嘅，真係想識下佢本人。最後實在頂唔順嗰陣好奇怪嘅味道，又叫多咗盆魚生平衡返仲飲多咗罐汽水，同食返啲生果啊甜品啊，心理先平衡返。總括而言，其實都唔錯嘅，只要唔好嗌呢個牛油果夾元貝就ok