大街小館

營業中

休息中

望落好似分量多，但其實食落吾算多！因為佢個芒果汁底吾夠，所以用匙羹舀一舀就已經見到個底！佢餐牌寫話有黑珍珠同小丸子，但個芒果汁底入面只有蘭香子。吾知蘭香子佢地係叫做黑珍珠定小丸子，但總之呢份甜品一定係少左一樣配料先！價錢有少貴，食佢地其他甜品可能仲抵D！原本想比差評，但係佢地個雜果食落都吾差，而且雪糕都幾好味！首先個雜果一定吾係罐頭水果，因為佢個水果咬落多汁，有水果既香甜味而吾係葡萄糖味！兩球雪糕我分別揀左雲呢拿及曲奇！個雲呢拿雪糕食落似維記個雲呢拿雪米糍入面個雪糕！撈埋芒果汁食一流，兩隻味都食到！個曲奇雪糕望落偏淡啡色，食落有淡淡曲奇味，而且個雪糕入面既曲奇碎吾會癡牙！可能個雪糕係佢地自家製都未定，不過我吾肯定！🧐另外，有幾點想提一提！首先，個餐牌其實有D溶溶爛爛，都吾知攞吾攞起手好！lol其次，一D食物原料會成盤放左響顧客枱面，建議放番廚房，或者用保鮮紙包番好會衞生D！下次可能會試下佢地個芒果腸粉！