象泰 (已結業)

星期日中午，去咗Gogo mall象泰，叫咗個56蚊午餐，黃咖哩牛筋腩配白飯，牛腩份量正常，但偏瘦偏硬，無咁上下牙力都咬唔爛，然後個白飯出曬事，又乾又硬，仲要凍嘅，明顯結曬一塊塊咁，食到最後幾啖，無曬咖哩汁撈，真係食唔落。食到中途後面果枱有食客又係叫左白飯，都係聽到佢地話個飯凍，最後佢地叫人換個碟飯。今餐真係我食過最差嘅白飯，跟餐加18蚊叫左杯芒果沙冰，ok嘅，不過個主食真係太差，太令人失望，總之無下次。