香港燒味 (已結業)

呢間嘢大大話話食咗五六十次，基乎每一次食都係叫暗然銷魂飯。呢個黯然銷魂飯，其實就係叉燒太陽蛋飯。係香港人都知點解會叫暗然銷魂飯，事關係同周星馳嗰套神有關。所以，我覺得呢間嘢個老細都算幾盞鬼，幾有創意。啲叉燒唔會太甜，豬肉軟綿綿，燒得好靚。個太陽蛋超級正，啲邊脆卜卜，個蛋黃暖笠笠，而且仲係流心。師傅會喺個飯上面淋一殼甜豉油。返埋位之後，就將所有嘢撈埋一齊食。真係超級好味，每一次都覺得唔係好夠食。嗰種好食程度係可以食三碗飯嗰種。