屋喔 (已結業)

同事介紹有中環有間食台灣野不錯，去到兩點鐘，咦無咩人既，擔心會唔會係伏嘅同時，同事話平時都要等幾個字先有位，頓時放心，我諗應該因爲過咗lunch peak hour。酥炸排骨湯麵($67)個麵唔錯，不過不失，個人覺得湯底可以再濃味啲，相反個排骨就麻麻，凍凍地，好明顯係整定。我叫咗隨餐贈送嘅柳丁冰綠茶，一睇仲以為黎錯，成杯橙汁咁，不過味道都真係有啲似橙汁，但有微微茶香。鹽酥雞肉燥飯($64)同事叫既，佢話啲餸無凍，仲有糖心蛋，好似幾好。下次我會想試下個飯，全因爲呢隻蛋。最後走時見到門口有免費時飲提供俾等候中嘅客人，幾貼心。