聰嫂私房甜品 (已結業)

食過幾次聰嫂，榴蓮就兩次，都係喺將軍澳呢間。座落新都城地下大街，地鐵站對面，都好易搵。一如普通甜品店，店仔細細，十張八張枱。我喺星期日下午茶時間去，將軍澳區，人流唔多，得幾張枱有客。今次食榴蓮黑糯米，最面係榴蓮，黑紅色黑糯米，有啲透明水晶珠，再有椰子奶凍（好似係）。都唔錯，不過對滿記榴蓮忘返中毒太深，始終覺得佢先係最好味，直頭滿分。聰嫂大概75分啦。分別係成個唔夠香，奶凍無滿記嘅碎冰海底椰咁冰，食落去先爽。