廉記冰室 (春園街) (已結業)

第二次食這間茶記，之前食佢個茶餐也算ok，今日打算再去，見不用排隊，入去坐低睇吓個餐牌，個女人的浪漫好似幾豐富咁又煙三文魚、又黑松露炒蛋又多士、又沙律菜、又蟹棒烏冬加餐飲，見佢張相個份量幾足，雖然索價$72，都決定食佢，一上枱。。以為上錯餐，差咁遠嘅😱相中明明起碼有三舊煙三文魚、四塊大多士，好多沙律菜。。上到枱得返一舊煙三文魚，一塊方包上放了黑松露炒蛋、沙律菜得幾條。。會否差太遠。。😨D炒蛋又唔滑、沙律菜好似人哋食淨。。墊底果啲菜。。真係覺得自己中了伏，可能有人覺得相同真實不嬲有差別，但佢張相真係會令人以為份量豐富，放位唔同也算，起碼俾返差唔多份量呀嘛，咁嘅份量、質素，我五十幾蚊叫個茶餐也豐富過佢，個收銀阿姐又無禮貌，無下次.