興記咖啡室

營業中

休息中

今日又中雜誌啲招，去咗荷李活道間興記，完全名不符實，仲係某食神才子介紹。首先必食至出名西多，又話即叫即製，柯打完先浸蛋漿，再慢火煎10-15分鐘。點知件西多2分鐘到咗，睇落去金黃，食落去好失望。唔夠熱，仲要入面係無餡，同埋真係唔覺得煉奶有咩特別， 大快活都有啦。之後叫咗碗面- 豬扒餐肉面(一丁加$3)，盛惠$26，諗住試下個蕃茄湯底，再加$5，飲品都唔包杯。豬扒同餐肉，真係你想整得難食都幾難，無驚無喜。加$5嘅湯底，完全唔掂，得雞碎咁多蕃茄蓉，求其搵啲蕃茄膏加水，唔該你食吓蘭芳園或者勝香園先啦，中上環食蕃茄湯底，大家都有返甘上下要求!食啲咁嘅嘢，唔飲杯嘢下火，收我$13一杯凍華田咁抵，點知淡到飲淨半杯。之後埋單每人$50，同雜誌介紹平均消費$30，足足多咗66.666666%。聽日要即刻食返蘭芳園或者勝香園補數。