香港飯堂

營業中

休息中

好少去餐廳堂食lunch，今日試下香港飯堂午餐。三月二日得九度，想食熱辣辣的野食，午餐牌上選了黑椒炒意粉，以為無死啦，點知中伏。呢隻意粉較幼身，似乎唔多適合用黎炒。啲黑椒汁落得太多，搞到個粉好濕，似黑椒汁意粉多過黑椒炒意粉。豬扒好難食，切開一夠夠，大約有四舊，但有三舊都有骨，好難咬，我又冇理由拎把刀切咁怪掛…話說本人正直壯年，都覺得豬扒肉好難咬開，奉勸冇乜牙力的老友記唔好食豬扒。其實今日好餓，但最後食淨半碟，覺得自己愧對地球。移隻碟時，發現隻碟非常痴立立，店員戴住手套應該感覺唔到…奶茶就同平時水準一樣。第一次試香港飯堂午餐，好失望，下次都係食返早餐銀針粉。