中華滙館 (已結業)

今晚同姑姐食飯，佢帶左我黎中環既 "中華滙館" 食dinner ~入到去感覺好高級，平時好少黎呢 d 地方haha！一坐低，職員問飲咩茶～我地揀左菊花，清熱明目！ 成餐飯我冇咩意見，都係由姑姐決定～前菜有"紅酒雪梨"，賣相好靚，雪梨甜甜地，幾開胃！ 另外，點左個 "太史戈渣" ，好特別呀～要製作佢既材料有上湯、雞蛋、粟粉等，聽老闆講技巧在於下粟粉既份量，戈渣唔可以過稠或太稀！咬落香滑有致，入口即溶，旁邊仲提供蠔油 and 糖作調味 =] 銀絲焗釀鮮蟹蓋d 蟹肉釀入蟹蓋，然後拎去焗～香脆既外層，點上蘸醋，味道好夾！ 可以見到有銀絲既效果！ 酸辣湯，唔好講笑，佢超足料～師傅刀工好好，將木耳絲、松茸都切到非常幼，入口感覺好爽！另外，酸與辣都亦配合得好好，沒有過份偏重其中一邊。 皺皮椒黑虎掌菌炒黑豚肉呢碟黑豚肉既肉質唔錯，鮮美細嫩～不過黑虎掌菌略嫌太少，而皺皮椒就好特別，第一次食，少少辣，我初初以為係苦瓜！ 鴨汁鱆魚飯係用岩岩烤起、新鮮出爐既燒鴨煮咖！炒飯非常乾身，粒粒分明；入口時感覺香口，亦惹味 =] OVERALL 小評：味道：★★★★☆環境：★★★★★服務：★★★★☆衛生：★