圓山台灣料理 (已結業)

餐廳坐落都算寬敞，職員好熱心，有細心介紹推薦菜式。晚市茶芥$16位，前菜係蒜油青瓜，爽脆健康，蒜味剛我好，無喧賓奪主。睇來睇去，我哋兩個人最後都係叫咗套餐嚟食，好似最抵$328包四個小菜，飯同粉面就另叫。食台菜又點可以唔叫三杯雞呢？顧名思義，三杯即係麻油一杯、米酒一杯、醬油一杯。呢度三杯雞係用個砂鍋熱住上，咁樣好好，因為三杯雞都比較油膩，熱住上，啲油就唔會結。雞肉肉質不乾澀,而且夠曬入味。送飯一流。五味鮮魚感覺似糖醋魚但再甜d。魚成條已經炸過，所以咩泥味雜味都無曬，魚炸得好脆，即使加上咗醬汁都仍然可以食得出佢既脆皮。屏東小炒王材料有啲韭菜花、芹菜、蝦乾、炸魚仔、金華火腿，蜆。有一種簡單農村嘅感覺，有乾貨既咸香，青菜既草青、蜆肉既鮮甜，混在一起就是好。蚵仔煎蠔在正中間，沾上左蕃薯粉漿，煙煙un un，加埋外層既蛋皮，正，又一送飯之選！雖然個套餐無包飯粉面，我哋就另外叫咗三碗share，全部台式選擇，我鍾意擔仔麵嘅面比較粗，山竹米粉嘅幼細，肉燥飯既惹味，真係各有各好。話時話真係好耐冇去過台灣，食完即刻有個買機票嘅衝動。