陳根記 (已搬遷) 新店位置

之前話陳根記約滿之後就會結束營業。所以有得食就好去食了陳根記係中學回憶黎，平平地又可以一班人相聚叫左半隻醉香雞，砌得好靚，排得好整齊！仲有好多粒鵪鶉蛋。以為鵪鶉蛋係烚完就咁放落去，咬落去，充滿酒味，蛋又唔會過熟。醉雞呢，皮好薄，咬落無多餘脂肪！肉呢。。好滑！平時一般雞，如果食落口好滑都係充滿血腥，呢次無！份量好多，兩個人食，有啲多，哈哈如果有例牌就好了！雖然份量好多，但係我地都堅持食曬！呢個牛栢葉，叫冇陰公牛栢葉，個名好搞笑！原來係冬蔭公味！有別一般炒栢葉，份量多過外面！不過呢，個人認為中式炒牛栢葉比較好食！冬蔭公，都係冬蔭湯好味啲，哈哈椒鹽九肚魚係大排檔好常見嘅菜式，不過其實好考師傅功夫九肚魚要炸得乾身都黎又唔會入口成口油！呢個九肚魚做到乾身都入口唔油，不過呢椒鹽味就唔係太突出。。。但可以接受的大排檔唔可以缺少啲啤酒！一定要叫㗎，加上夏日炎炎，消暑必備！陳根記成功簽約到年尾，日後仲有冇得食，都係未知之數，珍惜眼前。。。