影片
更多
2016-01-10
1258 瀏覽
小食館係我二十幾年前由小六食到中五畢業既地方，大家知道老闆將會榮休一月尾結業都好唔捨得！人潮不斷！連久未露面既老闆都要親自落場，老闆說係平日生意既4倍！所以約番中學時既飯腳一齊去懷緬一下，事前明知無得賣炸老旦，炸老柴，汽水，即「聯合國」(將幾種汽水溝埋一齊）都唔會有，因為炸唔切，汽都打唔切。雖然有點可惜，不過都無損我地既心情^^一行六人，等咗半個鐘左右，終於等到啦，仲可以坐係老闆水吧前既坐位，超開心！先黎豆腐花，其實係蜜瓜味既大菜糕黎既，唔好誤會呀，亦係特色之一。再order咗雜錦（即豬皮，蘿蔔，豬紅），炸旦，炸紅腸，炸魚餅，墨鬚，公翅（即碗仔翅撈公仔麵），翅針(即碗仔翅撈銀針粉), 翅撈大腸加豬紅，生菜魚肉，另外記得一定要叫多碟沙嗲醬，因為係自己炒㗎！我叫既翅撈大腸加豬紅好大碗，呢度既翅腸豬紅好好食，絕無偷工減料無溝水，真正既平民美食！最後6個人食咗$360，真係勁飽勁滿足。好想再去食…
小食館係我二十幾年前由小六食到中五畢業既地方，大家知道老闆將會榮休一月尾結業都好唔捨得！人潮不斷！連久未露面既老闆都要親自落場，老闆說係平日生意既4倍！
所以約番中學時既飯腳一齊去懷緬一下，事前明知無得賣炸老旦，炸老柴，汽水，即「聯合國」(將幾種汽水溝埋一齊）都唔會有，因為炸唔切，汽都打唔切。雖然有點可惜，不過都無損我地既心情^^
一行六人，等咗半個鐘左右，終於等到啦，仲可以坐係老闆水吧前既坐位，超開心！
先黎豆腐花，其實係蜜瓜味既大菜糕黎既，唔好誤會呀，亦係特色之一。
再order咗雜錦（即豬皮，蘿蔔，豬紅），炸旦，炸紅腸，炸魚餅，墨鬚，公翅（即碗仔翅撈公仔麵），翅針(即碗仔翅撈銀針粉), 翅撈大腸加豬紅，生菜魚肉，另外記得一定要叫多碟沙嗲醬，因為係自己炒㗎！
我叫既翅撈大腸加豬紅好大碗，呢度既翅腸豬紅好好食，絕無偷工減料無溝水，真正既平民美食！
最後6個人食咗$360，真係勁飽勁滿足。
好想再去食…
張貼
