影片
更多
2019-05-01
1724 瀏覽
難得放假,本身諗住北上深圳玩一日,但天文台話呢幾日天氣唔好,所以最後取消左,改左陪媽咪飲茶,假日實在太多人,所以一早出門去左攞位,但都要等成個鐘先入到去,所以假日飲茶真係唔早起都唔得!入到酒樓裡面超大,周圍都係枱,擺放得密密麻麻,枱和枱之間距離超近,成日都聽到隔離枱講咩,不過唔緊要,酒樓嘈先係正常,證明這裡人流真係超高!打開點餐紙,彩色印刷,圖文並茂,點心選擇多,最後我們選左5款點心!<鳳爪排骨飯> 飯粒軟硬適中夠哂熱, 隨心加點豉油再搞拌一齊食!飯裡有幾粒豉椒十分惹味!不過賣相就一般!<香煎蝦米腸> 每條蝦米腸都鋪滿蝦米和蔥花,雖然要用油煎,但煎得好香脆,食起來唔係好油膩,雖然又粗又大條,但唔係好熱,可能放在廚房放得耐就凍左!<紫心香芋丸> 圓碌碌的香芋丸煎到金黃色,咬落去煙煙韌韌,好似食麻糬咁,食到中間見到香芋饀,好似奶油般順滑,真係好好味!<上海小籠包> 小籠包皮薄多饀,豬肉鮮嫩,輕輕夾起來幸好粒粒都無穿,但湯汁唔多,食起來比較乾.<晶瑩韮菜餃> 韮菜餃剔透,脹卜卜的餃內,包住好多蝦和韮菜餡,食起來口
入到酒樓裡面超大,周圍都係枱,擺放得密密麻麻,枱和枱之間距離超近,成日都聽到隔離枱講咩,不過唔緊要,酒樓嘈先係正常,證明這裡人流真係超高!
打開點餐紙,彩色印刷,圖文並茂,點心選擇多,最後我們選左5款點心!
<鳳爪排骨飯> 飯粒軟硬適中夠哂熱, 隨心加點豉油再搞拌一齊食!飯裡有幾粒豉椒十分惹味!不過賣相就一般!
<香煎蝦米腸> 每條蝦米腸都鋪滿蝦米和蔥花,雖然要用油煎,但煎得好香脆,食起來唔係好油膩,雖然又粗又大條,但唔係好熱,可能放在廚房放得耐就凍左!
<紫心香芋丸> 圓碌碌的香芋丸煎到金黃色,咬落去煙煙韌韌,好似食麻糬咁,食到中間見到香芋饀,好似奶油般順滑,真係好好味!
<上海小籠包> 小籠包皮薄多饀,豬肉鮮嫩,輕輕夾起來幸好粒粒都無穿,但湯汁唔多,食起來比較乾.
<晶瑩韮菜餃> 韮菜餃剔透,脹卜卜的餃內,包住好多蝦和韮菜餡,食起來口感彈牙又爽口!味道不錯!
整體來講,無論酒樓環境,食物還是服務都算可接受,雖然係坐得比較迫,但食物搭救返少少,我們叫人加水時都唔洗等好耐,以假期來食算可以!
張貼
