文興酒家 (大明里)

營業中

休息中

今次試咗呢間主打中式經典菜嘅餐廳，整體嚟講食物有風味，而且菜式選擇多元化。首先，燒味雙拼嘅泰國櫻桃鴨同文興叉燒皇，真係名副其實嘅「皇牌」。櫻桃鴨皮脆肉嫩，油脂豐富但唔會過膩，鴨味濃郁；而叉燒皇肥瘦適中，蜜汁香甜！是日例湯 – 紅蘿蔔粟米瘦肉湯，湯底清甜，材料豐富，係個不錯嘅開端。之後到太白花雕醉鮑魚，鮑魚彈牙，花雕酒味香醇。文興香酥鴨 (半隻)，鴨皮炸得金黃香脆，配麼麼皮包住食，好特別。金沙琵琶豆腐，豆腐外層金黃酥脆，內裡軟滑細嫩，鹹蛋黃醬汁香濃。文興招牌炒飯，粒粒分明，鑊氣十足。最後嘅甜品中式心太軟，原來即是椰汁桃膠燕窩燉燉蛋白。椰香突出，燕窩滋潤，桃膠爽滑。