影片
更多
2011-04-04
189 瀏覽
唔知點解沙田d食肆好早就滿座, 我地六點半左右就到, 好彩室內仲有2張細枱, 再遲多十分鐘已經要坐門口lu~~我地被安排坐响魚缸邊, 一路食飯一路比條大龍躉睇住哂, 但後來佢見我地唔多理佢, 就成日游去後面有小朋友果張枱, 望住個小朋友食嘢~~ haha~~其實都係例牌叫個孖寶+乳鴿+雞粥, 不過今次試多個湯, 但相信只此一次lor~~~ 鮑魚雞粥 得果3片假鮑魚同3舊雞, 不過睇個價錢都估到唔會多~~ 而且個粥唔重雞味, 但都算幾綿~~ 紅燒乳鴿 好似細隻咗少少, 同埋炸得乾咗d~~ 日本清酒浸大蜆 佢d蜆真係超大隻, 隻隻超過2吋長, 而且仲响其中1只發現佢原來係食蟹架~~~ 至於個日本清酒湯底都好重酒味, 但唔知係中國燒酒定真係日本清酒, 因為我覺得都係差不多~~ 酥皮魚翅龍蝦湯 一上枱個賣相已經唔得, 個酥皮一pat咁pat响湯碗, 完全同西餐廳果d差天共地, 人地果d係圓拱形, 佢係平架!!! 而且食落個皮都唔夠酥..............個湯更加唔掂, 稀過水咁, 仲衰過d罐頭湯, d所謂翅其實即係假翅, 仲要係得幾條仔..........d龍蝦仲衰, 根本就係呃人,
我地被安排坐响魚缸邊, 一路食飯一路比條大龍躉睇住哂, 但後來佢見我地唔多理佢, 就成日游去後面有小朋友果張枱, 望住個小朋友食嘢~~ haha~~
其實都係例牌叫個孖寶+乳鴿+雞粥, 不過今次試多個湯, 但相信只此一次lor~~~
鮑魚雞粥
得果3片假鮑魚同3舊雞, 不過睇個價錢都估到唔會多~~ 而且個粥唔重雞味, 但都算幾綿~~紅燒乳鴿
好似細隻咗少少, 同埋炸得乾咗d~~日本清酒浸大蜆
佢d蜆真係超大隻, 隻隻超過2吋長, 而且仲响其中1只發現佢原來係食蟹架~~~
至於個日本清酒湯底都好重酒味, 但唔知係中國燒酒定真係日本清酒, 因為我覺得都係差不多~~酥皮魚翅龍蝦湯
一上枱個賣相已經唔得, 個酥皮一pat咁pat响湯碗, 完全同西餐廳果d差天共地, 人地果d係圓拱形, 佢係平架!!! 而且食落個皮都唔夠酥..............個湯更加唔掂, 稀過水咁, 仲衰過d罐頭湯, d所謂翅其實即係假翅, 仲要係得幾條仔..........
d龍蝦仲衰, 根本就係呃人, 係普通蝦, 肯定唔係龍蝦!!! 一來肉質唔同, 二來見到有蝦腸, 三來切到圓圓地, 根本佢就係用普通蝦充龍蝦!!!
鮮竹銀杏浸聖子
聖子都算幾大隻, 不過又係清得唔夠乾淨, 可能個人要求比較高................除咗鮮竹同銀杏外, 仲有少少脆肉瓜, 個湯都唔算好重味精, 都算幾重味...........响d餸未上枱之前, 見到個餐牌寫住茶芥$6位, 花生$6, 但我地沒花生食, 係咪應該扣番起呢?? 所以到埋單時同佢講, 個經理竟然好嬲, 係咁大叫邊個負責開茶!! 又問我地記唔記得係邊個?? 係男定係女?? 嘩...........我心諗$6啫, 唔駛咁惡呀嘛?? 當然冇人認啦~~ 而我地又唔記得, 事後個經理仲有冇追究就唔知, 但佢都肯扣番果$6比我地~~
張貼
