鳳城酒家 (已結業)

每星期總有一日會約屋企人去飲茶，雖然香港酒樓多，但要講比較出色嘅真係唔多。而我哋最鍾意食鳳城酒家，夜晚都會嚟食，因佢嘅質素高，味道又好！鍋貼大明蝦 $98感覺好似蝦多士，連平日唔多好炸嘢嘅媽媽都話要encore！應該係塊法式麵包上面多咗少少油，食到油香味！加上蝦膠好彈牙，連埋多士食超惹味。順德馳名桂魚卷 $268份量十分多！加上魚肉好嫩滑，而且內有D冬菇絲、筍絲，食落口感都幾清新。口感仍更加豐富，難得嘅滋味配搭。生菜鵪鶉鬆 $108第一次試，但食落口感層庚都幾多，鵪鶉同肉鬆又幾夾，味道變得好豐富。推介大家一試啊！鳳城炒飯 $88常嚟食飯嘅人都知，呢道係招牌菜。因為本身廚師鑊氣夠，所以食落已經知同出面嘅炒飯好唔同。雖然材料只係叉燒、蕃茄粒、蝦米等，但相信識食之人都知炒飯取決於鑊氣。脆皮炸子雞 $268平時去飲食唔少炸子雞，但講到仍然深刻嘅真係得呢間。首先一食就知呢隻係新鮮雞，口感完全唔似冰鮮雞。其次就係佢肉質好厚實，雞肉都相當嫩滑，食落去雞皮又夠脆，大家都食到讚不絕口。蓮蓉西米焗布甸 $78蓮蓉甜到剛剛好，令成個甜品都唔會過份地甜，布甸上焦糖唔會太多，甜度剛剛好嘅甜品我最鍾意。