MOO Beef Cafe (已結業)

將軍澳中心自翻新後便多了許多新食肆，當中包括呢間主打食牛的西餐廳。舖內面積好大，感覺幾舒服，起碼唔會將啲枱櫈排到密麻麻。我哋點了兩個湯，一個安格斯牛扒三文治和一個威靈頓牛柳。牛牛湯好足料，佢聲稱用瘦牛肉、番茄、薯仔去煲，果然有好濃牛味。安格斯牛扒三文台一開四件，每件的牛扒都好厚身，配以烘底麵包及夾附中間說不出的醬料，味道好豐富。至於威靈頓牛柳，我叫了五成熟，切開時見到牛肉是紅色，沒有熟過頭，而且牛肉好軟身，鬆化。人均消費約二百蚊，我認為可以食到這樣級數的牛，值得。