影片
更多
2023-07-10
11 瀏覽
柯士甸站行10分鐘，呢間位置幾方便。我哋食lunch 唔算難book，幾日前訂就有位。座位開揚，光線充足，坐得舒適。廚師幾細心，入座會先詢問客人有咩食材唔食。頭盤：粟米涷湯 配 漬荔枝蕃茄仔-好創新，幾得意，而且開胃。龍蝦汁蒸蛋-造型好可愛，底部用咗熱石春維持微溫，蒸蛋非常嫩滑。主菜：甘鯛立鱗燒 配酸菜魚汁- 半煎炸令魚鱗起立，魚肉細嫩，功架十足。南非鮑魚 配 鮑魚乾醬手掌咁大隻新鮮鮑魚睇住廚師即場烹調，流哂口水沙巴虎蝦 用蝦膏汁鋪面，蟲草花忌廉汁墊底，一蝦可以食出兩種滋味，蝦肉夠新鮮好爽口。酸梅醬鵝肝多士 配 冰凍菠蘿肥美嫩滑，入口即溶，酸梅醬中和油膩感，最後食埋我好中意嘅冰菠蘿，一絕！美國封門牛柳-肉汁豐富，嫩滑度極佳，廚師會隨客人生熟喜好烹製，我不喜歡太生，最後煮出來不但剛好，而且口感極佳，鬆軟不靭。沖繩黑豚肉配紫蘇梅醬肉質嫩口，醬汁酸甜提升肉鮮味。高菜炒飯炒飯夠香口，好唔錯，不過食到尾段太飽了，只能淺嘗幾口🍚炒雜菜芽菜，草菇，椰菜，略嫌油多了點，飽嘗前面的豐盛佳餚後，菜可以再清淡啲。甜品：um…係飽既，不過甜品不能不食，用第二個胃食焦糖多士-又香又脆，忍唔到口柚子雪糕-好正，好
廚師幾細心，入座會先詢問客人有咩食材唔食。
頭盤：
粟米涷湯 配 漬荔枝蕃茄仔-好創新，幾得意，而且開胃。
龍蝦汁蒸蛋-造型好可愛，底部用咗熱石春維持微溫，蒸蛋非常嫩滑。
主菜：
甘鯛立鱗燒 配酸菜魚汁- 半煎炸令魚鱗起立，魚肉細嫩，功架十足。
南非鮑魚 配 鮑魚乾醬
手掌咁大隻新鮮鮑魚睇住廚師即場烹調，流哂口水
沙巴虎蝦 用蝦膏汁鋪面，蟲草花忌廉汁墊底，一蝦可以食出兩種滋味，蝦肉夠新鮮好爽口。
酸梅醬鵝肝多士 配 冰凍菠蘿
肥美嫩滑，入口即溶，酸梅醬中和油膩感，最後食埋我好中意嘅冰菠蘿，一絕！
美國封門牛柳-肉汁豐富，嫩滑度極佳，廚師會隨客人生熟喜好烹製，我不喜歡太生，最後煮出來不但剛好，而且口感極佳，鬆軟不靭。
沖繩黑豚肉配紫蘇梅醬
肉質嫩口，醬汁酸甜提升肉鮮味。
高菜炒飯
炒飯夠香口，好唔錯，不過食到尾段太飽了，只能淺嘗幾口🍚
炒雜菜
芽菜，草菇，椰菜，略嫌油多了點，飽嘗前面的豐盛佳餚後，菜可以再清淡啲。
甜品：
um…係飽既，不過甜品不能不食，用第二個胃食
焦糖多士-又香又脆，忍唔到口
柚子雪糕-好正，好清新，配埋塊焦糖多士一齊食更正！
二人埋單連加一 $14xx～
有貴價食材，兩位都食得好飽，呢個價錢值得一試。
張貼
