春禧堂台灣料理餐廳 (已搬遷) 新店位置

同朋友去尖沙咀行街，見到一間望落幾有台灣味feel既餐廳，同朋友去試吓佢。入落去環境好寬躺，咁啱佢嘅時間係下午茶時段，見到都有幾台客人食緊飯，店員俾咗一張四人卡枱俾我哋，坐得好舒服，附近有個中港碼頭，見到海，仲有陽光射入黎好舒服啊😌同朋友仲未食午餐，叫咗一碗古早味牛展牛肉麵，上來嘅時候係一個定食咁樣上，仲俾咗少少配菜我哋添，幾窩心。牛展識落好軟熟而且舊肉好夠牛肉味，另外台灣麵份量好多，識落嘅煙韌，唔會煮得好琳，湯底飲落唔會好油，仲己有牛骨湯底味。另外我哋仲叫咗佢嘅餃子，見佢都賣幾多餃子嘅菜式我哋叫咗一個炸嘅餃子同埋一個蕃茄湯嘅餃子試吓，我同朋友都比較鍾意食煎炸嘅餃子多啲，雖然個外皮有啲厚度，但係食落去個肉係有肉汁嘅餃子，而且入邊豬肉調味夠香，唔錯喎真係推薦大家試吓佢嘅煎餃子。另外佢仲有好多款台式飲品選擇，叫咗一杯茶試吓，唔錯，有茶香味。另外仲有杯益力多飲品，天氣熱嘅日子飲落去真係好解暑～～