蔡瀾越南粉 (已結業)

蔡san自已開嘅越南粉，成日都大排長龍。今日終於排除萬難試到佢！結論係，唔使排隊，你又好餓，趕住見客開會，就求其衝入去食啦。真係諗唔到點解大排長龍。。。Beef Pho ($68)。尼個我形容為好似食車仔麵嘅Pho。68蚊可以選擇2個餸，我揀咗生牛肉同豬耳扎肉。湯底唔油膩，帶有濃烈嘅牛肉味。扎肉爽口，而且食落有𡁻口，唔錯。牛肉就真係失望！都唔知話佢刀功好定小家，薄到紙咁得3塊。食落無肉味，仲要無乜油花，肉質比較粗。