本格 (已結業)

中環中心出面開左間型格日式串燒店Bentori，收工過黎Happy hour食幾串飲番杯，又幾正🍶🥃。店鋪唔大，open kitchen，可以坐吧枱。🍢🍡今次試左雞皮($38)、雞軟骨($38)、雞肉($35)、燒豆腐($35)、雞翼($38)，🐔雞全部都係雞😆～師傅都幾快手，落單無耐已經速速送上。當中雞肉有原味同紫蘇葉味，🍗大大件啖啖肉。而其他嘅調味亦薄帶鹹香，唔一定要配酒都好易入口。呢度有各色各樣嘅酒，除左Sake仲有啤酒、紅白酒等等，下次再試多啲。