影片
更多
2022-02-01
880 瀏覽
喺中環裏面，西餐/fine dining /omakase呢D店舖大多坐落於呢個黃金地段，格局典雅，有時連一粒聲都唔敢出。而位於大館對面，卻有幾位熱情嘅台灣媽媽密密地努力耕耘，經營一間充滿人情味嘅良心小店。 兩位台灣媽媽並非飲食業介嘅新人，佢哋之前已經經營過三間餐廳，由吃什麼外賣店再二次經營「請坐」，最後但因業主爭議關係被迫停業。最終喺18年創立本店，仲要係香港唯一一間米芝蓮台灣，我諗今次呢間餐廳總算會做得長久掛。 裝修就冇乜花巧野，只係一間普通店舖嘅裝修，但一入到門口就聽到職員嘅台灣口音，語氣溫柔，但當日去到係放飯時間，用餐節奏就有D緊迫，諗緊食咩嘅時候店員就會熱情地推薦你食咩 午市餐牌嘅選擇頗多，除咗有最基本嘅牛肉麵同滷肉飯之外仲有乾拌麵火雞/鯖魚/一夜乾/等嘅魚類飯，唔夠食嘅可以再加蛋餅，但就冇得叫皮蛋豆腐滷水拼盤嘅小食，而依家仲要冇咗晚市堂食就更加食唔到。 香辣牛肉乾拌麵$85 價錢比起其他台灣菜黎講算偏貴，但佢又有米芝蓮推介又位於中環，咁又冇辦法嘅。份量就非常之正常，牛肉有三大舊，性價比普通。 牛肉用上牛腩而並非牛腱，切得長但唔算厚闊，望落唔算太深色，都主要食返佢嘅肉味。肉質
兩位台灣媽媽並非飲食業介嘅新人，佢哋之前已經經營過三間餐廳，由吃什麼外賣店再二次經營「請坐」，最後但因業主爭議關係被迫停業。最終喺18年創立本店，仲要係香港唯一一間米芝蓮台灣，我諗今次呢間餐廳總算會做得長久掛。
裝修就冇乜花巧野，只係一間普通店舖嘅裝修，但一入到門口就聽到職員嘅台灣口音，語氣溫柔，但當日去到係放飯時間，用餐節奏就有D緊迫，諗緊食咩嘅時候店員就會熱情地推薦你食咩
午市餐牌嘅選擇頗多，除咗有最基本嘅牛肉麵同滷肉飯之外仲有乾拌麵火雞/鯖魚/一夜乾/等嘅魚類飯，唔夠食嘅可以再加蛋餅，但就冇得叫皮蛋豆腐滷水拼盤嘅小食，而依家仲要冇咗晚市堂食就更加食唔到。
香辣牛肉乾拌麵$85
香辣牛肉乾拌麵
$85
128 瀏覽
0 讚好
0 留言
價錢比起其他台灣菜黎講算偏貴，但佢又有米芝蓮推介又位於中環，咁又冇辦法嘅。份量就非常之正常，牛肉有三大舊，性價比普通。
牛肉用上牛腩而並非牛腱，切得長但唔算厚闊，望落唔算太深色，都主要食返佢嘅肉味。肉質軟嫩，帶些微彈性，中間仲係呈粉嫩嘅顏色，肉味濃，唔會覺得柴，筋模唔會好似橡膠咁咬唔開，出色!
香辣牛肉乾拌麵
79 瀏覽
0 讚好
0 留言
比起湯麵黎講，我更鐘意食拌麵。麵嘅粗幼適中，質感係煙韌有嚼勁，能夠掛得起油份同醬汁。
店員有提醒話醬汁好辣，辣就唔算辣，但就好麻lor，醬汁唔算太濃，有些小蒜香與醬油膏嘅咸香，食到最後都唔會覺得油膩，個人認為調味可以再重手多少少，未夠惹味。要靠酸菜增味。
木魚花蛋餅$45
木魚花蛋餅
$45
46 瀏覽
0 讚好
0 留言
又想食小食但得蛋餅就叫蛋餅啦。木魚花口味並不常見，於是就試吓。木魚花放得毫不吝嗇，遮蓋蛋餅，未食已經跌咗落街。
蛋餅皮滑而煙韌，薄而有回彈力，比起脆身嗰隻我更鐘意呢隻。中間就冇野特別，得蛋同䓤，蛋有少少蒸氣感，軟而唔柴，配上日式偏咸嗰隻蛋黃醬同食唔出嘅醬油膏，柴魚絲則提供鮮味，我就非常之鐘意呢個蛋黃醬同木魚絲嘅fushion配搭，值得推介。
張貼
