影片
更多
2015-11-15
114 瀏覽
中環蘭桂坊的朋友歇腳亭約咗朋友夜晚出嚟飲嘢,跟朋友過咗嚟鴻運泰國美食邊食邊等，鴻運泰國美食嘅特色就係佢擁有左成條街，基本上室內同埋室外嘅地方都係佢哋嘅，響呢啲秋風起嘅時間坐室外就最舒服啦！坐室外又可以食下水煙飲下酒食下野等朋友都冇咁悶呀嘛！當日等朋友期間叫咗啲小食，先來當然就係飲番杯野青解解一日嘅疲累啦！朋友叫咗個雜果賓治都幾足料，唔係嗰啲求其雪碧加橙汁嗰種嚟架，而係真係有水果粒即場做嘅雜果賓治！飲完野青之後我仲叫咗個凍拉茶。超好飲！茶味香濃！食泰國嘢點少得生蝦刺身啦！醬汁惹味，生蝦刺身夠爽口，分量亦都好夠大概有十幾隻一碟！抵食。另外仲叫咗個青木瓜沙律，呢個木瓜沙律呢有好爽口嘅青木瓜，仲有炸乾蔥，香脆腰果同鮮蝦等等，惹味可口，不過佢真係好辣呀！唔係好食得辣嘅我，因為食呢個芒果沙律，就飲晒成個椰青了！仲有佢哋嘅超正必叫冬陰公湯，冬陰公湯用了十足菇類鮮蝦等，味道香辣可口，蝦膏味香濃，而且唔會太奶，越飲越開胃！今次好好彩叫咗好多個原來都係佢哋嘅王牌美食。另外我哋仲叫咗個印度薄餅配咖喱雞。呢度嘅薄餅係即叫即做，鬆軟可口而且超級大片，一上枱就知道即刻整，同埋冷藏之後焗返熱嘅分別。明顯見到呢一度嘅
約咗朋友夜晚出嚟飲嘢,跟朋友過咗嚟鴻運泰國美食邊食邊等，
鴻運泰國美食嘅特色就係佢擁有左成條街，基本上室內同埋室外嘅地方都係佢哋嘅，響呢啲秋風起嘅時間坐室外就最舒服啦！坐室外又可以食下水煙飲下酒食下野等朋友都冇咁悶呀嘛！
當日等朋友期間叫咗啲小食，先來當然就係飲番杯野青解解一日嘅疲累啦！
雜果賓治
16 瀏覽
0 讚好
0 留言
凍拉茶
34 瀏覽
0 讚好
0 留言
生蝦刺身
18 瀏覽
0 讚好
0 留言
醬汁惹味，生蝦刺身夠爽口，分量亦都好夠大概有十幾隻一碟！抵食。
青木瓜沙律
14 瀏覽
0 讚好
0 留言
冬陰公湯
18 瀏覽
0 讚好
0 留言
冬陰公湯用了十足菇類鮮蝦等，味道香辣可口，蝦膏味香濃，而且唔會太奶，越飲越開胃！
今次好好彩叫咗好多個原來都係佢哋嘅王牌美食。
印度薄餅配咖喱雞
18 瀏覽
0 讚好
0 留言
印度薄餅
14 瀏覽
1 讚好
0 留言
配上唔會好辣，都好惹味嘅咖喱雞，一個人食曬一大片薄餅絕對唔係難事！
因為食到尾聲朋友都仲未到嘅關係我哋就叫咗啲串燒黎配啤酒飲品，呢度嘅串燒都幾大串足料，好似我哋叫咗個牛肉串燒，以為係好薄細細片嗰種，原來佢每一嚿牛肉都好有份量架！
最後仲飲咗啤酒同埋其他嘅雞尾酒，呢度嘅酒類抵飲，都係講緊四十蚊左右就有一杯仲可以食埋水煙，其實響度happy hour 過一個晚上都不錯呀！
最後仲叫咗芒果糯米飯芒果切得細細片，而且新鮮酸酸甜甜，配上糯米飯同椰汁，呢個招牌泰國甜點，完全滿足到我哋食完飽飽食甜野嘅需求！
張貼
