大呷台灣 (已結業)

中環蘇豪區除咗酒吧林立,仲有一間台灣美食，係由台灣師傅坐鎮。🍆大呷綜合涼菜拼盤$108 一次過試到5款冷盤，有高樑酒香雞、黑醋小木耳、糖心鴨蛋、葱油干貝豆腐和台醬拌茄子。醉雞花雕味香濃，幾嫩滑。茄子上咸咸地，茄子亦唔會太淋，入口鬆軟，小木耳酸酸地，幾開胃。薄片豆腐可見刀工細膩。糖心蛋用咗鴨蛋，蛋味較濃，蛋黃較凝固。🦪古早味蚵仔煎$78幾𥺦身，夾起來唔容易散。配埋酸酸甜甜嘅醬汁，幾滋味，不過蚵仔份量再多啲，就更加好。 🍝大呷新竹炒米粉$98銀芽、冬菇絲、肉絲、雞蛋、櫻花蝦係店舖推介，材料豐富，米粉幼身入味，份量可以分成四小碗。🍹冷泡洛神花乾果茶$332 個人分享都可以，帶少少酸，幾開胃。