Jab Jab

營業中

休息中

朋友介紹話中環有間新開嘅日式燒物串燒店，二話不說立刻嚟試，店內座位唔多而且唔寬落，但就係好有氣氛，配合喑喑燈光非常適合三五知己一路傾計一路食嘢飲嘢，如果喜歡宵夜，嚟這店就啱，平時開到零晨兩點，五六甚至開到三點。食物以燒物為主，牛、豚、雞、海鮮、野菜、天婦羅等等，種類繁多，小編當晚叫咗幾款，款款精彩，下次一定會再嚟😍◇ 海膽鴿肉卷(必叫)這款係必叫，首先是鴿肉，少見原來肉質極嫩滑，好有驚喜，第二，用海膽提升鮮味，同鴿肉亦夾，第三，嗰特製擺盤令整體賣相超班，相信每個見到宣傳單張都俾它吸引要叫一份，不過建議叫兩份，打卡會更靚◇ 4頭鮑魚(蒜香燒)海鮮燒物就揀咗鮑魚，因為喺其他地方少見，這裏好貼心有牛油燒、蒜香燒同鹽燒揀，小編喜歡蒜香味道，出來嘅蒜粒好香，而鮑魚切片上，厚薄適中，肉質爽口，冇叫錯◇ 鹽燒Prime一口牛(必叫)這又係另一款必叫，表面睇落燶燶地咁以為燒過咗，但聞落極香，而一口就可咬落去完全唔韌，仲要極度多汁，唔知用乜醬汁但味道超級正，印象難忘◇ 明太子墨魚滑手羽手羽就係雞翼，將明太子墨魚滑放入雞翼，一口咬落同時感受4樣嘢，明太子同墨魚滑嘅鮮味、雞肉嘅嫩滑同雞皮嘅脆香，口感多重冲，