Mama's Kitchen

營業中

休息中

晌soho區扶手電梯伴有一間好可愛嘅菲律賓餐廳由幾位媽媽合作經營菜式都係一啲好味得嚟又較健康嘅媽媽味道餐廳outdoor 位置擺滿好多植物🍀就好似一個小花園咁.我哋叫咗以下四款菜：🔸炸春卷 Spring Roll👍🏻長條形嘅春卷，皮好薄，炸得好香脆、唔𠝹口，入面嘅肉碎切得好細、好香，唔洗點醬都夠味，好食而唔油膩。.🔸豬肉酸湯 Pork Sinigang哩款係傳統嘅菲律賓菜，用左酸豆去煮，酸味勁度十足！愛酸的人會鍾意，但對我而言就太酸了。不過個湯材料非常多，有大量蔬菜同豬腩肉，所以個湯都好香濃，而且用熱鍋上菜，可以keep住個溫度，好貼心。.🔸香辣烤雞 Jerk Chicken 👍🏻用了牙買加辣椒去醃過嘅雞髀肉，非常香辣惹味，而且醃得非常入味，亦好香燒烤味，雞髀肉好嫩滑，再配旁邊煙煙韌韌嘅椰漿飯，好好食！.🔸豬肉沙嗲 Pork BBQ串燒豬肉燒得香氣滿滿，醃得入味，香茅味突出。沙爹醬有濃濃嘅炒花生味，非常香！而且調味唔會太咸。