青花汾

營業中

休息中

最近我同朋友係中環街市行街，發現左一間唔錯嘅山西餐廳，位於中環街市二樓，環境以青花瓷藍白色嘅設計。🔶砂鍋雲吞雞份量超多，湯底鮮甜，雲吞皮薄餡多，雞肉好嫩滑，墊底嘅椰菜吸晒d湯，好入味，每一啖都令人感受到家常嘅溫暖，非常適合呢排開始轉涼嘅天氣。🔶 糖醋魚藥膳罐湯手擀麵糖醋魚的醬汁酸甜得宜，魚肉炸得外脆內嫩，搭配上新鮮清甜洋蔥青椒，色香味俱全。呢道菜唔會過於油膩，反而令人想再食幾啖。麵條有四種可以選擇，今次就揀左未食過嘅手擀麵，又真系有d特別！手擀麵由傳統嘅手工方式製作，經過多次擀壓，令到麵條的厚度和形狀更均勻，薄得黎但口感非常彈牙，令到麵條更能吸收湯汁嘅味道。而湯底係藥膳湯，非常養生，湯頭濃郁，帶有淡淡嘅中藥香氣，喝完之後成個人都暖笠笠🥰