影片
更多
2020-09-22
323 瀏覽
LUNCH時間去到中環巷仔呢間"PHO BAR"，門口睇落唔起眼，招牌名都無添。推門入內符合主題係吧枱設計，舖頭細細，坐到20個人左右餐牌上唔多選擇，亦都只提供配好的餸料，最多自選麵同其他香料 (金不換、芫茜、炸蒜等)。自己寫字仔落單的，不過侍應服務有待改善，好似唔願SERVE人咁。點咗豬頸肉撈檬粉，望落都好大碗。佢用青瓜絲代替生菜絲，可能想口感清新啲啩。個配汁唔是平時一般啲辣椒魚露，有啲似橙汁色，保留咗啲香料渣，淡淡香。提供埋青檸、椒仔基本香料自助落豬頸肉有四塊，每片都差唔多大小，厚度差唔多。望落唔乾身唔烘燶。食咬落去唔係脆口無，偏冧身唔鞋口，亦唔係勁油冧冧，一般正常呢至於青瓜絲，爽口，配埋個撈檬汁食真係好食。個汁係返唔到轉頭架! 唔辣唔酸，但唔係無味，真係秘製醬汁，講唔出有咩配料溝出嚟，但係唔會只有陣辣椒味。檬粉唔"笠口"，爽身。至於碗內嘅香料足夠份量，並無太多去呃份量。炸蒜仲脆口嘅!惟獨有啲荳菜可以切一切下，太長有時難入口。朋友點咗碗豬頸肉湯河，份量都係大碗，色水仲唔似平時啲清湯雞湯咁，仲有埋生洋蔥添。偷飲咗啖湯，有少少似肉骨茶(黑湯)咁，當然唔係啦，但可能啲湯底配料有用上一啲肉
推門入內符合主題係吧枱設計，舖頭細細，坐到20個人左右
餐牌上唔多選擇，亦都只提供配好的餸料，最多自選麵同其他香料 (金不換、芫茜、炸蒜等)。
自己寫字仔落單的，不過侍應服務有待改善，好似唔願SERVE人咁。
點咗豬頸肉撈檬粉，望落都好大碗。佢用青瓜絲代替生菜絲，可能想口感清新啲啩。
個配汁唔是平時一般啲辣椒魚露，有啲似橙汁色，保留咗啲香料渣，淡淡香。提供埋青檸、椒仔基本香料自助落
豬頸肉有四塊，每片都差唔多大小，厚度差唔多。望落唔乾身唔烘燶。食咬落去唔係脆口無，偏冧身唔鞋口，亦唔係勁油冧冧，一般正常呢
至於青瓜絲，爽口，配埋個撈檬汁食真係好食。個汁係返唔到轉頭架! 唔辣唔酸，但唔係無味，真係秘製醬汁，講唔出有咩配料溝出嚟，但係唔會只有陣辣椒味。檬粉唔"笠口"，爽身。至於碗內嘅香料足夠份量，並無太多去呃份量。炸蒜仲脆口嘅!惟獨有啲荳菜可以切一切下，太長有時難入口。
朋友點咗碗豬頸肉湯河，份量都係大碗，色水仲唔似平時啲清湯雞湯咁，仲有埋生洋蔥添。
偷飲咗啖湯，有少少似肉骨茶(黑湯)咁，當然唔係啦，但可能啲湯底配料有用上一啲肉骨茶湯料。個河粉半透明，係分明唔係痴住晒一餅嘢咁，入口煙煙韌韌，有驚喜!
另一個朋友就點咗至尊，啫應該係平時啲火車頭乜都有嘅一大碗: 生牛肉、牛丸、牛腩。可惜無湯粉配上金邊粉。金邊粉多數係食開炒嘅，轉咗湯唔同口感，可能個湯底萬能KEY，配埋一齊張個粉無"張住"咀，一樣係爽口彈牙。
碗內都有兩粒牛丸，唔係粗粒打，似係機打咁滑溜溜，食落係普通牛丸咁
兩件腩用上牛坑腩，都好大件厚身。以為會鞋口，但係佢淆到好冧，未係入口即溶，但係都鬆軟易咬有咬感，連個筋位都入埋味。
個兩片牛肉無呃人，都係嫩口鮮薄切牛唔係放咗段時間。碗麵上到枱時間啱啱好，肉沒變到好老身或者熟都未熟咁。入口係食到滑嫩牛味。
OVERALL 三碗都有特色，湯底嬴，撈汁嬴。HK$92-98左右一碗，係有水準的。lunch time會大排長龍，但我地今日1:45左右先黎所以即刻有位~正!
張貼
