影片
更多
2020-09-18
61 瀏覽
由細到大我都唔係咁中意食包以前對burger既觀念都淨係停留係連鎖快餐覺得就係一樣方便快捷填飽肚皮既料理但今次尼間小店真係刷新左我對burger既刻板印象原來食burger都可以咁有feel小店本身位於中環斜路上小巷弄入面位置唔算人來人往 但係正因為咁多左份隱世寧靜既格調加上附近中上環舊式兩三層公寓同附近各式各樣既小店餐廳更加烘托左一份特別既氛圍好似遠離左車水馬龍既香港尼到一片悠閒既小社區成件事已經chill左一半先加上小店簡約白色調既裝修 menu設計以及面向馬路既落地玻璃窗座位食住burger邊望住外面既小巷路人來去匆匆真係好有feel食物方面 亦係非常高質小店係主打較健康既burger由佢夾既肉係雞胸肉就睇得出但唔好以為主打健康就會好dry唔過癮佢既balance真係做得恰到好處我同朋友各order左一個combo setHKD 98跟一個burger 小食 同一杯飲品burger醬料既選擇都有6種有辣有唔辣 而且都係坊間比較少見既醬料我同朋友分別揀左buffalo 同truffle店員好貼心知道我地係share幫我地切開一半整左個雙併burger一齊過滿足我兩個願望！burge
以前對burger既觀念都淨係停留係連鎖快餐
覺得就係一樣方便快捷填飽肚皮既料理
但今次尼間小店
真係刷新左我對burger既刻板印象
原來食burger都可以咁有feel
小店本身位於中環斜路上小巷弄入面
位置唔算人來人往 但係正因為咁
多左份隱世寧靜既格調
加上附近中上環舊式兩三層公寓
同附近各式各樣既小店餐廳
更加烘托左一份特別既氛圍
好似遠離左車水馬龍既香港
尼到一片悠閒既小社區
成件事已經chill左一半先
加上小店簡約白色調既裝修 menu設計
以及面向馬路既落地玻璃窗座位
食住burger邊望住外面既小巷路人來去匆匆
真係好有feel
食物方面 亦係非常高質
小店係主打較健康既burger
由佢夾既肉係雞胸肉就睇得出
但唔好以為主打健康就會好dry唔過癮
佢既balance真係做得恰到好處
我同朋友各order左一個combo set
HKD 98跟一個burger 小食 同一杯飲品
burger醬料既選擇都有6種
有辣有唔辣 而且都係坊間比較少見既醬料
我同朋友分別揀左buffalo 同truffle
店員好貼心知道我地係share
幫我地切開一半整左個雙併burger
一齊過滿足我兩個願望！
burger既包食落好鬆軟
有陣牛奶蜜糖既香氣 唔會乾身
食得出有係麵包方面落足心機
入面既饀亦超新鮮同豐富
尤其雞肉既部份 炸得超juicy
醬料既proportion同味道都恰到好處
唔會喧賓奪主 尤其truffle真係好香！
小食可揀薯格 雞翼 或者脆雞粒
我地因為就揀左薯格
亦係炸得超香脆 唔會過鹹 高質！
飲品方面佢地都主打low calories drinks
飲品既品項又係勁特別
大多都幾乎冇係坊間見過類似之餘
一杯500ml熱量最高都係60kcal
岩曬中意食又怕肥既女仔👍
而且每款飲品都可揀飲品base
可以係桂花烏龍 氣泡水 或者 lemonade
超級客製化
我同朋友分別揀左黑莓活性碳同洛神花蘆薈
前者揀左茶底 後者則揀左氣泡水底
兩樣都超fresh 尤其黑莓活性碳
最低卡之餘 黑色打卡都夠曬特別
又會咬到黑莓果茸 正！
最後我地仲嗌左兩個munchies slaw
係一碗大大兜既沙津 先HKD 18
勁高cp值 有各種新鮮蔬菜
配上炸過既蓮藕片 好特別
saucing亦唔係普通沙津醬
好似自己調過 酸酸甜甜唔會膩
整體食物高質素 餐廳裝修亦有格調
一定會再encore！
張貼
