影片
更多
2019-10-01
3885 瀏覽
接朋友放工後嚟到位於利源西街嘅三一餃子。最吸引我嘅地方係呢到嘅特色裝修、貼心嘅英文menu同多款配搭。首先裝修，其實冇咩特別，但店面細細，用咗白色做主調，增加空間感。另外啲燈好得意，係有圖案嘅。牆上仲有啲圖畫，上面寫晒絕望quote😂至於menu，中環區上班一族有唔少都係外國人。雖然呢到係賣中國菜，但menu都有英文version，方便英文人士明白，非常貼心👍！另外呢到仲有啤酒/紅酒嗌🤣，幾得意 。最後就係配搭，呢到俾你自由配搭菜式，可以要餃子(A)餐，又可以要餃子(A)+主食(B)餐或者餃子(A)+主食(B)+小碟(C)餐，又可以追加食物，最緊要係價錢唔貴！呢到最出名嘅係玫瑰花餃子，奈可我哋去嗰日已經賣晒，老闆話係因為好難包，每個月最多只可以包到幾十隻，唯有下次再嚟試啦！我哋叫咗兩個A+B+C餐（$68），加配餐飲。- A 餃子 -蒜芯豬肉餃（煎）黑白松露豬肉餃（煎）（另加$4）雙拼（+$4）餃子每碟有6粒，加$4揀咗雙拼，所以每隻味有3隻😋餃子煎熟後，煎pan加入麵粉水同煎，令到餃子嘅底部有層薄薄嘅脆皮。蒜芯豬肉餃蒜味都幾出；黑白松露豬肉餃個松露味味道就超級香🤩大阪餃子燒（粟米）（
接朋友放工後嚟到位於利源西街嘅三一餃子。最吸引我嘅地方係呢到嘅特色裝修、貼心嘅英文menu同多款配搭。
首先裝修，其實冇咩特別，但店面細細，用咗白色做主調，增加空間感。另外啲燈好得意，係有圖案嘅。
牆上仲有啲圖畫，上面寫晒絕望quote😂
至於menu，中環區上班一族有唔少都係外國人。雖然呢到係賣中國菜，但menu都有英文version，方便英文人士明白，非常貼心👍！另外呢到仲有啤酒/紅酒嗌🤣，幾得意 。最後就係配搭，呢到俾你自由配搭菜式，可以要餃子(A)餐，又可以要餃子(A)+主食(B)餐或者餃子(A)+主食(B)+小碟(C)餐，又可以追加食物，最緊要係價錢唔貴！
呢到最出名嘅係玫瑰花餃子，奈可我哋去嗰日已經賣晒，老闆話係因為好難包，每個月最多只可以包到幾十隻，唯有下次再嚟試啦！
我哋叫咗兩個A+B+C餐（$68），加配餐飲。
- A 餃子 -
蒜芯豬肉餃（煎）黑白松露豬肉餃（煎）（另加$4）
雙拼（+$4）
餃子每碟有6粒，加$4揀咗雙拼，所以每隻味有3隻😋
餃子煎熟後，煎pan加入麵粉水同煎，令到餃子嘅底部有層薄薄嘅脆皮。
蒜芯豬肉餃蒜味都幾出；黑白松露豬肉餃個松露味味道就超級香🤩
大阪餃子燒（粟米）
28 瀏覽
0 讚好
0 留言
大阪燒就食得多，大阪餃子燒就真係第一次試。
同上面嘅煎餃一樣整法，但面頭再加上大阪燒醬、蛋黃醬、紫菜碎、木魚絲，好似真係食緊大阪燒咁呀！
餡料可選薑蔥或粟米，我哋揀嘅粟米真材實料，真係有好多粟米餡架🌽總括嚟講，餃子做到皮薄餡多，十分喜歡👍
- B 主食 -
主食可選米線或烏冬，仲可以加辣添，分垃圾、人、神 三個level 🤣
豆漿蝦皮湯米線魚片頭（追加）（$6）
話就話係豆漿蝦皮湯，但我哋加咗辣，所以湯底味道冇咁出。
米線煮得啱啱好，唔會太淋，有咬口。
鰹魚昆布湯烏冬（另加$5）湯底幾好味，平時食淨烏冬可能會覺得好齋，但呢個又冇呢個感覺喎！烏冬夠煙韌，鍾意！
- C 小碟 -
關東煮（另加$15）好有趣嘅關東煮，除咗平時會見到嘅餸之外，仲有隻煎蛋喺面🤣
餃子雞翼（另加$24）餃子雞翼拆咗骨，好易食。
咬落去啖啖肉，餡料實淨飽滿，又夠香口😋
- 餐飲 -
豆漿（另加$7）啤酒（另加$30）
計法有啲「liu lung」，但我哋總共係食咗$242 🤣
-
Menu:
張貼
