影片
更多
2021-08-31
114 瀏覽
-碧儷苑 • 精點粵菜 🥢🫖🎉熱烈恭賀妹妹番新工🎊終於都大個女 番人生第一份工 養活姐姐既計劃指日可待😎首先當然要對佢好啲 帶佢去食佢中意既中菜慶祝一下先🥳做左下research發現中環有呢間性價比好似唔錯既中菜廳 就黎試下先！🥚前菜/ 糖心皮蛋酸薑好少見到糖心皮蛋做前菜 皮蛋中心係會流出黎 其實都幾好味酸薑酸到十分到位 好開胃！🦪窩貼金蠔= 咸蛋黃炸米通 + 金蠔釀墨魚餅呢個組合係第一次食 係估唔到咁夾流浮山金蠔本身好有味道配埋墨魚餅同鍋巴 好香口 口感豐富 妹妹都食唔停☺️🧉杏汁白肺湯店家表示呢個湯係用左頂級既南北杏打磨隔渣4次 豬肺都用左3個鐘去啤水為求令個湯冇腥味同飲到最精華既杏汁湯 材料成本雖然唔高 但絕對係一款心機菜 林芝蓮同妹妹平時係唔中意飲杏汁既野但係呢碗湯 我地2個都清得乾乾淨淨飲落去既湯真係完全冇渣 又唔會腥 幾好飲🤗🦐豉油皇虎蝦煎腸粉店家表示呢個係要食左個腸粉後先食虎蝦的因為佢地用虎蝦配個豉油皇煮左個汁 虎蝦既鮮味都流左落去腸粉度 係幾唔錯🐟流浮山三寶蒸海班球三寶係包括左銀魚仔 魷魚 蝦乾呢三寶令成碟菜更加提到魚鮮味海班球其實唔算球 係好大份既魚肉肉質都好嫰滑 好新
碧儷苑 • 精點粵菜 🥢🫖
🎉熱烈恭賀妹妹番新工🎊
終於都大個女 番人生第一份工
養活姐姐既計劃指日可待😎
首先當然要對佢好啲
帶佢去食佢中意既中菜慶祝一下先🥳
做左下research發現中環有呢間
性價比好似唔錯既中菜廳 就黎試下先！
🥚前菜/ 糖心皮蛋酸薑
好少見到糖心皮蛋做前菜
皮蛋中心係會流出黎 其實都幾好味
酸薑酸到十分到位 好開胃！
🦪窩貼金蠔
= 咸蛋黃炸米通 + 金蠔釀墨魚餅
呢個組合係第一次食 係估唔到咁夾
流浮山金蠔本身好有味道配埋墨魚餅同鍋巴
好香口 口感豐富 妹妹都食唔停☺️
🧉杏汁白肺湯
店家表示呢個湯係用左頂級既南北杏打磨隔渣4次
豬肺都用左3個鐘去啤水
為求令個湯冇腥味同飲到最精華既杏汁湯
材料成本雖然唔高 但絕對係一款心機菜
林芝蓮同妹妹平時係唔中意飲杏汁既野
但係呢碗湯 我地2個都清得乾乾淨淨
飲落去既湯真係完全冇渣 又唔會腥 幾好飲🤗
🦐豉油皇虎蝦煎腸粉
店家表示呢個係要食左個腸粉後先食虎蝦的
因為佢地用虎蝦配個豉油皇煮左個汁
虎蝦既鮮味都流左落去腸粉度 係幾唔錯
🐟流浮山三寶蒸海班球
三寶係包括左銀魚仔 魷魚 蝦乾
呢三寶令成碟菜更加提到魚鮮味
海班球其實唔算球 係好大份既魚肉
肉質都好嫰滑 好新鮮☺️
🦪麻辣鮑魚掌翼煲
呢個最不得了 佢地用左八頭南非鮑
係鮑魚既令一面界開左一條條線
等佢可以掛到啲汁 好細心 肉質煮到好軟腍
其實呢個本身係有麻辣 但我地唔太食得辣就走左辣
愛辣之人可以試下唔走辣的😗
鵝掌翼都係有肉食之餘煮得好入味
由一放低既咋咋聲已經引到我地流晒口水
呢個正🤩🤩🤩🤩
🍚龍哥招牌炒飯
炒飯最緊要係粒粒分明 同炒得乾身 佢地都做到
入面仲有叉燒粒 蝦仁 松子仁 冬菇 沙葛粒 蛋花🤤
好味到清晒都冇難到☺️
🍮伯爵茶奶凍
奶味好香濃 隱隱約約都會有伯爵茶既茶香味
口感好Q彈 而且唔會好甜
🐧冰凝小企鵝
賣相已經嬴晒 好！得！意！
黎食呢一餐 某程度上都係為左佢而黎
呢個既包餡係十勝紅豆加陳皮 甜而不膩
即使原本已經食到好飽
呢個反而幫到我解膩😍 得意又好味呢~
整體食物質素都好好😍
成個套餐係$838 / 2ppl 呢個性價比幾唔錯！
服務係超級熱情 同細心 周不時睇下我地有冇咩需要
下次可以帶埋爸爸媽媽黎🥳
順帶一提佢地既鐵觀音都幾唔錯
茶葉非常香濃
張貼
